Masalimo

1 Jwakusangalala ali mundu jwangajenda mwakuya yindu yakusamsalila ŵandu ŵakusakala

Soni jwangajima m’matala ga ŵandu ŵakulemwa

Nambosoni jwangatama yimpepe ni ŵandu ŵakunyosya.

 2 Nambo jwalakwe akusaganonyela mnope malamusi ga Yehofa.

Akusagaŵalanga ni kugaganichisyaga* malamusigo musi ni chilo.

 3 Jwalakwe chachiŵa mpela chitela chachipandidwe mumbali mwa lusulo.

Chitela chelechi chikusasogola yisogosi mundaŵi jakwe,

Soni masamba gakwe ganganyala.

 4 Nambo ŵandu ŵakusakala nganaŵa myoyo.

Jemanjaji ali mpela masapi gakuwululuka ni mbungo.

 5 Ni ligongo lyakwe ŵakusakala chachisimanikwa ŵakulemwa pandaŵi jakwawelusya.

Soni ŵakulemwa ngasasimanikwa pasikati pa ŵandu ŵakulungama.

 6 Pakuŵa Yehofa akusamanyilila matala ga ŵandu ŵakulungama,

Nambo ŵandu ŵakusakala chachijonasika pampepe ni matala gawo.