Lijiganyo 9

Atumiki ŵa M’lungu Akusosechela Kuŵa Ŵachasa

Ana ligongo chichi tukusosechela kuŵa ŵachasa mbali syesope? (1)

Ana kusagopolela chichi kuŵa jwachasa muusimu? (2)

jwachasa mundamo? (3) jwachasa munganisyo? (4) jwachasa kuchilu? (5)

Ana maŵechetedwe gausakwa gapi gatukusosechela kugapeŵa? (6)

1. Yehova M’lungu ali jwachasa ni jwam’swela. Akisasosaga ŵakum’swali ŵakwe kuŵa ŵa chasa—mum’simu, mundamo, munganisyo, ni kuchilu. (1 Petro 1:16) Kusasosekaga kulimbichila kuti utame jwachasa pameso pa M’lungu. Tukutama muchilambo chausakwa. Tukwete soni kulimbana niyitendo yetu yaulemwa. Nambo tukasituleka.

2. Chasa Chausimu: Naga tukusaka kutumichila Yehova, ngaŵa mkulimbilila kumajiganyo ni misyungu jayipopelo yaunami. Tukusosechela kutyoka kuyipopelo yaunami soni ningayikamuchisya mulitala line lililyose. (2 Akorinto 6:14-18; Chivumbulutso 18:4) Mkulijiganya yakuwona ya M’lungu, tukusosechela kusamalila kuti tukasokonesyedwa ni ŵandu ŵakwiganya yaunami.—2 Yohane 10, 11.

3. Chasa Chandamo: Yehova akusosa kuti ŵakumswali ŵakwe atameje mpela Akristu ŵakuona ndaŵi syesopesyene. (1 Petro 2:12) Akisayiwona yesopeyene yitukutenda, ni yachimsisi yakwe. (Ahebri 4:13) Tukusosechela kupeŵa chisembwele niyitendo yine yausakwa yapachilambochi.—1 Akorinto 6:9-11.

4. Chasa Changanisyo: Naga tugumbasya mitima jetu ni nganisyo syachasa, nisyambone, ndamo syetu chisiŵa syachasa. (Afilipi 4:8) Nambo naga tugamba ganisya ya yindu yausakwa, yakopoka yakwe yili masengo gakusakala. (Mateyu 15:18-20) Tukusosechela kujipewa mitundu ja yakusangalasya jakuti nikubilisya mitima jetu. Komboleka gumbasya nganisyo syetu ni nganisyo syachasa mwa kulijiganya Maloŵe ga M’lungu.

5. Chasa Chakuchilu: Ligongo akwimila M’lungu Akristu akusosechela kuyisunga yilu niyakuwala yawo yachasa. Tunaŵe m’magasa mwetu panyuma pakwaula kuchimbusi, soni tunaŵe m’kanitulye, kapena kamula yakulya. Naga nginimkola chimbusi, mkusosechela kusilila yakunyalayayo. (Deuteronomo 23:12, 13) Kuŵa ŵachasa kuchilu kusapeleka ŵumi wambone. Nyumba ja M’kristu jikusoseka kuŵa ja ukondo ni jachasa mkati nikusa kwake. Jikusoseka kuŵoneka mpela chisamso kumaloko.

6. Chasa Chakaŵechetedwe: Atumiki ŵa M’lungu akusosechela kuŵecheta yakuwona ndaŵi syesope. Ŵaunami ngisajinjila mu Uchimwene wa M’lungu. (Aefeso 4:25; Chivumbulutso 21:8) Akristu ŵangakamulichisya masengo chiŵecheto chakunyalaya. Ŵangapikanila kapena kuŵecheta njelengo kapena ngani syausakwa. Ligongo lyakuŵecheta kwawo kwa chasa, akisawaga ŵalekangane ni ŵane kumasengo, kapena kusukulu kapena kwakisatamaga.—Aefeso 4:29, 31; 5:3.

[Yiwulili pa peji 18, 19]

Atumiki ŵa M’lungu akusosechela kuŵa ŵachasa mbali syesope syene