Lijiganyo 12

Ana Cici Cikusatendekwa pa Ciwa?

Pacili ciwa nikuti pangali umi. Ciwa cili cisawu kugona mnope lugono. (Yohane 11:11-14) Ŵawe ngaŵa mkupikana, ngaŵa mkulola kapena kuŵeceta. Ngakusaganisya ya cilicose. (Mlaliki 9:5, 10) Dini jaunami jikusajiganya kuti ŵawe akusajawula ku malo ga misimu kukutama ni acinangolo ŵawo ŵaŵawile kalakala. Yeleyi nganiyiŵa yajikwiganya Baibulo.

Ŵandu ŵawe ngaŵa mkutukamucisya m’weji, soni ngaŵa mkutuwulasya. Yili yangasoŵa kwawona ŵandu ali mkutenda yindu cisawu kutaga mbopesi, acikulupililaga kuti ŵandu ŵaŵawilewo ciyasangalasye. Yeleyi yili yakumsakalisya Mlungu, ligongo yikuwumila ku unami wine wakwe wa Satana. Soni yeleyi atamose ŵawewo ngakomboleka kwasangalasya, ligongo jemanjajo ali ŵangali umi. Ngasitwajogopaga kapena kwalambila ŵawe. Tumlambileje Mlungu pejo basi.—Matayo 4:10.

Ŵawe caciŵasoni ni umi. Yehova cacajimusya ŵawe kuti aŵe ni umi pacilambo capasi ca paladaiso. Ndaŵi jelejo nganijiyicepe. (Yohane 5:28, 29; Masengo 24:15) Mlungu komboleka kwajimusya ŵandu ŵawe, cisawu mwatukusamjimucisyaga mundu jwali mlugono.—Maliko 5:22, 23, 41, 42.

Yakulupilila kuti ngatukusawaga yili unami wakuwandisya Satana Jwakulambusya. Satana ni yiŵanda yakwe, akusaŵatendesya ŵandu ganisya kuti misimu ja ŵandu ŵawe jili ni umi, soni kuti jikusalwalikasya ni kutendekasya yakusawusya yine. Satana akusaŵalambusya ŵandu, ndaŵi jine kutyocela mu sagamisi. Yehova akusaŵengana nawo ŵandu ŵele ŵakusalinga kuŵecetana ni ŵawe.—Deutelonomo 18:10-12.