Ana Yakuyicisya Yakupikanila Satana Yaliji Yatuli?

Adamu ni Hawa nganapikanila Mlungu, ni ŵawile. Genesis 3:6, 23

Hawa ŵapikanile lijoka, ni kulya cisogosi cila. Kaneko ŵampele Adamu, ni jwalakwesoni ŵalile.

Yaŵatesileyi yaliji yakulemweceka, soni waliji ulemwa. Mlungu ŵakopwesye mu Paladaiso, kukwaliji kumangwawo.

Umi waliji wakusawusya kwa jemanjaji ni ŵanace ŵawo. Ŵacekulwipe, kaneko ŵawile. Nganajawula kumalo ga misimu. Umi wawo wamalile papopo.

Ŵandu ŵawe ŵangakola umi, akusaŵa mpela luwundu. Genesis 3:19

Tukusawa ligongo lyakuti wosope twatyocele kwa Adamu ni Hawa. Ŵawe ŵangakomboleka kulola kapena kupikana, soni ngaŵa mkutenda kalikose.—Mlaliki 9:5, 10.

Yehofa nganasaka kuti ŵandu aweje. Pacangakaŵapa cacajimusya ŵawe wosope. Naga cacipikanila jwalakwe, cacitama ni umi wangamala.