LIJIGANYO 11

Kuŵeceta Mwakulimbikasya

Aloma 12:11

YACITULIJIGANYE: Akusosekwa kwalimbikasya ŵakupikanila ni yakusati wawojo pakuŵeceta.

Yakwayeje mumtima yakuŵecetayo. Pakukosecela ngani jakuti akaŵecete, akusosekwa kuganicisya mnope kusosekwa kwa utenga wawuli mu nganijo. Akusosekwa kujimanyilila cenene ngani jawojo pakusaka kuti ajiŵecete mwakutyocela pasi pamtima.
Ŵaganicisyeje ŵakupikanila ŵawo. Aganicisyeje mwele ngani jakusaka akaŵalanje kapena kwiganya mwampaka jakamucisye ŵandu ŵane. Alolesoni matala gampaka aŵecetele ngani jawo yampaka yatendekasye ŵakupikanila kujiyamicila nganijo.
Yakwiganya yawo yityoceleje mumtima. Aŵeceteje mwakusimicisya soni akamulicisyeje masengo makono soni ngope jawo mwacipago kuti yilosyeje mwakupikanila mumtima.

Akusosekwa kusamala kuti akasiŵasokonasya ŵakupikanila ŵawo, mwakukamulicisya masengo makono mwa cisyoŵe. Akamulicisyeje masengo makono gawo mwakamulana ni yakuŵeceta. Candanda alosyeje msimu wa kwaganicisya ŵane pakwiganya yiwundo yakusosekwa mnope, soni ŵalimbikasyeje ŵakupikanila ŵawo kuti atendepo kandu. Aŵambalejesoni kwapesya mwakuwilisyawilisya niyindu yakusayinonyela wawojo.