LIJIGANYO 18

Ngani Jakwiganya Kandu Kanekakwe

1 Akolinto 9:19-23

YACITULIJIGANYE: Ŵakamucisyeje ŵakupikanila ŵawo ganicisya mnope ya nganijo soni kuyiwona yakulijiganya kuŵa yindu yakusosekwa.

Aganicisyeje yindu yakumanyilila kala ŵakupikanila ŵawo. M’malo mwakwamba kuwilisya yindu yayimanyi kala ŵakupikanilawo, ŵakamucisyeje kuti ajipikaneje nganijo m’litala lyasambano.

Mpaka aŵecete mwacitema pakusala songa syasimanyi kala ŵakupikanila soni kuŵeceta mwapanandipanandi pakusala songa syasambano.
Awungunyeje soni kuganicisya. Mpaka asale yindu yakutesya lung’wanu soni ngani syasigambile kutendekwa kwene pakusaka kulosya songa syakusosekwa mnope, naga yili yakusosecela. Aloleje kukamulana kwakupali pasikati pa yindu yasasileyo ni ngani jawo.

Pakukosecela ngani jawo mpaka aliwusyeje yiwusyo mpela yakuti, ‘cici, ligongo cici, cakaci, kwapi, ŵani, soni mwamtuli.’ Mpaka awusyeje soni kusala kwanga kwa yine mwa yiwusyoyi mu ngani jawo josope.
Alosyeje kusosekwa kwa utenga wawo. Alondesye mwele songa sya m’Malemba mpaka syakamucisye ŵakupikanila paumi wawo. Mpaka asalesoni yakutendekwa yisyesyene kapena yisyasyo yayili yakamucisya kwa ŵakupikanila ŵawo.