Aŵecheteje Yakwasangalasya Ŵane

Yaŵatesile Yesu

FIDIYO: Yesu akuŵecheta ni Jwamkongwe Pachisima

1. Alolele VIDEO, kapena aŵalanje Yohane 4:​6-9. Kaneko ajanje yiwusyo ayi:

1. Ana ni yindu yapi yaŵayiweni Yesu mwa jwamkongweju mkanatande kuŵechetana najo?

2. Yesu jwatite: “Angayile mesi gakumwa mayi.” Ligongo chichi gelega galiji maloŵe gambone mnope gakutandila kuŵechetana?

Ana Yaŵatesile Yesu Yikutujiganya Chichi?

2. Naga tukutanda kuŵecheta ngani jajikumsangalasya msyenenyumba nikuti yakambilana yetu mpaka yijende chenene.

Amsyasyeje Yesu

3. Aŵeje ŵakoseka kuchenga. Akakakamilaga kukambilana ni ŵandu ngani jaŵakosechele kala wawojo kunyumba. Aŵecheteje ngani syele ŵandu ŵajinji akusiganichisya mnope masiku agano. Aliwusyeje kuti:

1. ‘Ana ni ngani syapi syasiwandile mnope?’

2. ‘Ana ŵandu ŵambandikene nawo nyumba, achimjangu ŵa kumasengo, kapena ŵa kusukulu akunonyela kuŵecheta ngani syapi?’

4. Aloleje yakutenda mundu. Aliwusyeje kuti:

1. ‘Ana munduju pandaŵi ajino akutenda chichi? Ana pelepa komboleka akuganisya ya chichi?’

2. ‘Ana yakuwala yaweteyi, mwakuwonechelamu, soni mwajikuwonechela nyumba jakwe, yikungamuchisya chamtuli kumanyilila dini jali kapena mtundu wakusatyochela?’

3. ‘Ana jeleji jili ndaŵi jambone jakuti mbechetane ni munduju?’

5. Ampikanileje pakuŵecheta.

1. Akaŵechetaga yindu yejinji.

2. Amlimbikasye mundujo kuti asaleje yindu yakuganisya. Naga yili yakomboleka amwusyeje yiwusyo.