Kuŵilanjila Ŵandu ku Cikumbucilo Kukutanda pa March 22

Caka acino kuŵilanjila ŵandu ku Cikumbucilo kucitanda Lyakuŵeluka pa March 22. Wosope tukusosekwa kamula nawo masengoga. Naga kwakomboleka, kumbesi kwa cijuma tucigaŵilagalasoni magasini gasambano. Lyakuŵeluka lyandanda lya mwesi wa April, tucigaŵilaga tumapepala twakuŵilanjila ŵandu ku Cikumbucilo mmalo mwa kutandisya majiganyo ga Baibulo. Nambope, naga tukusimana ni mundu jwalung’wanu mnope, komboleka kulinga kutanda najo lijiganyo lya Baibulo. Jwakulolela undumetume cacilola naga kugaŵila tumapepala twakuŵilanjila ŵandu ku Cikumbucilo pelanguka mpaka kukamucisye mpingo kwicila ŵandu ŵajinji mu mkuli wawo. Alembe mena ga acanasi ŵawo, ŵakamula nawo masengo, ŵakulijiganya nawo sukulu, soni maulendo gawo gakuwilisya ni ŵane ŵakumanyigana nawo ŵakusaka kwaŵilanga, soni ŵape tumapepalatu pacikutande kuŵilanjila ŵandu ku Cikumbuciloci. Tukukulupilila kuti ŵajinji cayice nawo kukukumbucila matala gaŵili gagakusalosya cinonyelo cekulungwa.—Yoh. 3:16; 15:13.