Kuŵilanjila Ŵandu ku Cikumbucilo

Pa February 27 tucitanda kuŵilanjila ŵandu ku Cikumbucilo ca ciwa ca Klistu. Tucisosekwa kuŵilanjila ŵandu ŵajinji ŵa mu mkuli wetu. Tucisosekwasoni kola lung’wanu ni ŵandu ŵakusaka kumanyilila yejinji kuti twajiganye.

YAMPAKA TUTENDE

YAKUŴECETA PAKUPELEKA TUMAPEPALA

“Tukupeleka tumapepala twakwaŵilanjila ŵandu ku cakutendekwa cakusosekwa mnope. Pa March 23, ŵandu ŵajinji pacilambo cosope cacisongana kuti akumbucile ciwa ca Yesu Klistu, soni kupikanila ngani ja m’Baibulo jajicisala mwampaka ciwa ca Yesu citukamucisye. Cipepala aci cikulosya ndaŵi soni malo gakutendela cikumbuciloci mu mkuli wetu wuno. Wawojo komboleka kusimanikwako.”

Naga msyenenyumba alosisye lung’wanu . . .

• AMGAŴILE SANJA JA MLONDA

  Alece ciwusyo cakuti cajanje paulendo wakuwilisya.

• AMLOSYE FIDIYO JAKUSALA YA CIKUMBUCILO

  Alece ciwusyo cakuti cajanje paulendo wakuwilisya.

Paulendo wakuwilisya, mpaka . . .

• AMLOSYE FIDIYO JAKUTI LIGONGO CICI TUKUSOSEKWA KULIJIGANYA BAIBULO?

  Kaneko ampe buku jatukusalijiganyila Baibulo ni ŵandu.

• AMPE BUKU JAKUTI ANA BAIBULO JIKUSAJIGANYA CICI KUSYESYENE?

  Atagulilane najo yejinji yakwamba Cikumbucilo, pakamulicisya masengo mapeji 206-208. Kaneko ampe bukuji.

• AMPE KABUKU KAKUTI APIKANILEJE MLUNGU

  Pakamulicisya masengo mapeji 18-19, atagulilane yacikusagopolela ciwa ca Klistu. Kaneko ampe kabukuka.