Yampaka Aŵecete

Pakutandisya Lijiganyo lya Baibulo Lyakuŵeluka Lyandanda mu March

“Tukuŵecetana ni ŵandu kwa kandaŵi kamnono pakwamba ya yayicitendekwa pa April 14. Lisikuli lili lyakumbucila ciwa ca Yesu. Ŵane cacilikumbucila lisikuli ligongo akusaciwona ciwa cakwe kuti caliji cakusosekwa. Ŵane ngakusamanyilila kusosekwa kwa ciwa ca Yesu. Ana akuganisya kuti ciwa ca Yesu cana umbone uliwose kwa wawojo ni une?” Ajembeceye kuti ajanje. Amlosye kunyuma kwa Nsanja ya Olonda ja March 1, kaneko atagulilane ngani ja ciwusyo candanda, soni aŵalanje atamose lilemba limo pa malemba gali pelepogo. Amgaŵile magasini, soni alinganye yakuwujilako kuti akatagulilane ciwusyo cakuyicisya.

Nsanja ya Olonda March 1

“Ŵandu ŵajinji akusasimonga kuti ligongo cici Mlungu ngakumasya ungali cilungamo, soni yakusawusya ya m’cilamboci. Ana akuganisya kuti lili ligongo lyakuti Mlungu ngakusasamala ya m’weji kapena ligongo lyakuti akusakuwona kuti kuli kwambone kuti ŵandu asimaneje ni yakusawusya? [Ajembeceye kuti ajanje. Kaneko aŵalanje lilemba lya Yohane 3:16.] Atamose kuti ŵajinji akusagakamula maloŵe ga m’lilembali pakusaka kulosya kuti Mlungu akusasamala ya m’weji, nambo ngakusasimicisya kuti ciwa ca mwanace jwa Mlungu mpaka cakamucisye. Magasini aji jikutagulila mwacicitendela ciwa ca Yesu pakumasya ungali cilungamo, soni yakusawusya ya m’cilamboci.”

Galamukani! March

“Tukuŵecetana ni ŵandu kwa kandaŵi kamnono pakwamba ya nganisyo syakulemweceka syakwete ŵandu ŵane pa lilemba lya m’Baibulo ali. [Aŵalanje Genesis 1:1.] Ŵane akusakulupilila yeleyi kuti cilamboci capanganyikwe, nambo ŵane ngakusakulupilila yeleyi. Wawojo akuganisya uli? [Ajembeceye kuti ajanje.] Ŵane yikusalema kulupilila kuti yindu yapanganyikwe ligongo lyakuti acimlongola ŵa dini akusajiganya yindu yine yangajikusajiganya Baibulo. Magasini aji jikusala yajikusajiganya Baibulo mwakupikanika cenene pakwamba ya ndandililo ja cilambo.”