Yampaka Aŵecete

Pakugaŵila Tumapepala Twakuŵilanjila Ŵandu ku Cikumbucilo

“Tukugaŵila tumapepala twakuŵilanjila ŵandu ku cakutendekwa cakusosekwa mnope. Pa April 14, ŵandu mamiliyoni pacilambo cosope cacisongangana kuti akumbucile ciwa ca Yesu Klistu, soni kupikanila ngani jalulele ja m’Baibulo jakwamba ya mwacikusati ciwaci pakutukamucisya. Kapepala aka kakusala ya malo, soni ndaŵi ja cakutendekwa celeci kumangwetu kuno.”

Nsanja ya Olonda April 1

“Tukutagulilana mwakata ni ŵandu pakwamba ya cakusatendaga ŵandu ŵajinji. Ciŵandika jwalijose, mwangasamala kandu ya dini jali, akusapopela. Ana akuganisya kuti Mlungu akusajangaga mapopelo, kapena akuganisya kuti mapopelo gakusagamba kutukamucisya kupikana cenene patusimene ni yakusawusya? [Ajembeceye kuti ajanje.] Alole yajikusasala Baibulo pakwamba ya lipopelo. [Aŵalanje1 Yohane 5:14.] Magasini aji jikusala mwagakusatukamucisya mapopelo.”

Galamukani! April

“Tukuŵecetana ni acimjetu pakwamba ya cakusawusya caciwandile mnope. Ŵane akusatenguka mnope ni mwayiŵelele yindu paumi wawo mwati akusaganisya yakuliwulaga. Mundu patengwice m’yoyo, ana akuganisya kuti akusaka yisyene kuwa, kapena akwamba kusaka gopoka ku yipwetesi yakwe? [Ajembeceye kuti ajanje.] Alole cilanga ca m’Baibulo cacikusakamucisya ŵajinji kuyiwonaga yindu mwakuŵajilwa pasimene ni yipwetesi. [Aŵalanje Ciunukuko 21:3, 4.] Magasini aji jikusala magongo gatatu gambone gakumtendekasya mundu kusaka kuŵape cijumi atamose ali mkusimana ni yipwetesi.”