KULIPELEKA MU UNDUMETUME WAMUMGUNDA
Kongolela Katende Ketu ka Undumetume—Tulinganyeje Jika Yampaka Tuŵecete Pagaŵila Magasini
LIGONGO CICI KULI KWAKUSOSEKWA?: Atamose kuti yayili pa malo gakuti yampaka aŵecete yayikusasimanikwa m’kabuku kakuti yakutendekwa yili yakamucisya, yeleyi yigambile kuŵa yakutulongolela basi. Tukusosekwa kulinganyaga maloŵe getugetupe. Ndaŵi sine mpaka tulinganyeje jika mwampaka tutandile kuŵecetana ni ŵandu kapena kupata ngani jine jakwe m’magasini jampaka jiŵe jakamucisya mumkuli wetu. Panyuma pakuti tuŵalasile magasini, tukusosekwa kulola yayili pa malo gakuti yampaka aŵecete soni kulolela fidiyo jakusala mwampaka tugaŵilile magasinigo. Kaneko tulinganyeje jika yampaka tuŵecete pakamulicisya masengo yayili pasipa.
MWAMPAKA TUTENDELE:
Aliwusye kuti, ‘Ana ngusaka kamulicisya masengo yatulembele kala kuti tukaŵecete pagaŵila magasini?’
ELO
Alinganye maloŵe gawogawope gandanda. Panyuma pakomasyangana, asale ligongo lyayicile. (Mwambone, mpaka aŵecete kuti: “Mbice ligongo lyakuti . . . ”)
Alinganye yampaka asale pakusaka kuwusya ciwusyo, kuŵalanga lilemba soni pagaŵila. (Mwambone, pakusala lilemba mpaka aŵecete kuti, “Kwanga kwa ciwusyo celeci kukusimanikwa pa lilemba ali.”)
IYAYI
Asagule m’magasini ngani jimo jajikwasangalasya wawojo soni jampaka jasangalasye ŵandu mumkuli wawo
Asagule ciwusyo cakuti akawusye campaka cimkamucisye mundu ganicisya nambo cikaŵa cakumtendekasya msyenenyumba kusoŵa cakwanga. (Mwambone, mpaka am’wusye yiwusyo yayili pa peji 2 ja magasinijo.)
Asagule lilemba lyakuti akaŵalanje. (Naga agaŵila Galamukani! mpaka asagule kuŵalanga lilemba kapena ngaŵalanga. Pakuŵa magasiniga agapanganyisye kuti gakaŵa gakusawusya kwa ŵandu ŵangakumanyilila yejinji ya Baibulo.)
Amsalile msyenenyumba umbone wacapate ligongo lya kuŵalanga magasiniga
CINGA ASAGWILE YATULI
Akosecele ciwusyo kuti akam’wusye mundujo ni cakulinga cakuti cajanje pa ulendo wakuwilisya
Alembe yakwakamucisya kumbucila yacacisala ndaŵi jine