12. Uw Rogon Ni Ngam Mang Fager Rok Got?

1 PI FAGER ROK JEHOVAH E YAD MA FOL ROK

“Gu ning chilen ngorad ni nguur folgad rog, ni fan e nguug par ni gag e Got rorad ma yad e girdi’ rog.”—Jeremiah 7:23, BT

Gur, rayog ni ngad manged fager rok Got?

Genesis 22:18; James 2:23

I mang Abraham e fager rok Jehovah ni bochan e ma motoyil Ngak ma kub mich u wan’.
2 Kronicles 16:9

Ra ayuweg Jehovah e piin ni yad ma fol rok.
Psalm 25:14; 32:8

Ma pi’ Jehovah e tamilangan’ ngak e pi fager rok.
Psalm 55:22

Ra ayuweg Jehovah e pi fager rok.

“Yugu aram rogon e tin ni yib ngak, machane de denen Job ya de yin’ e kireb riy nga daken Got.”—Job 1:22

Uw rogon ni cham Satan ngak Job, ma mang e rin’ Job?

Job 1:10, 11

I yog Satan ni Job e yigoo ir e ma lemnag ir ma de t’uf Got rok.
Job 1:12-19; 2:7

I pag Jehovah Satan ni nge fek urngin ban’en rok Job, me k’aring ba mit e m’ar ngak nib sonogor mab gel e amith riy.
Job 27:5

De nang Job ko mang fan nrib gel e gafgow ni i tay, machane i par nib yul’yul’.

“Be’ nib girdi’ e ra pag urngin ban’en ni fan e nge ayuweg e pogofan rok.”—Job 2:4, BT

Uw rogon ni ma gay Satan rogon ni nge kirebnag e tha’ u thildad Jehovah?

2 Korinth 11:14

Ma gay Satan rogon ni nge waliydad ni nge dab kud folgad rok Jehovah.
Proverbs 24:10

Ma gay Satan rogon ni nge k’aringdad ni ngad lemnaged ndariy rogodad ni ngad pigpiggad ngak Jehovah.
1 Peter 5:8

Ma gafgownagdad Satan.
Proverbs 27:11

Mu dugliy ni ngam fol rok Jehovah mag mang reb e fager rok nib yul’yul’. Re n’ey e ra micheg ni Satan e ba malulfith l’igin.

“Baaray fan ni nge t’uf Got rodad: fan e ngad folgad ko tin ni ke yog ni ngad rin’ed.”—1 John 5:3

Uw rogon nrayog ni ngam mang fager rok Jehovah?

Deuteronomy 6:5

Faanra t’uf Got rom, ma ra ayuwegem e re n’ey ni ngam fol rok.
Isaiah 48:17, 18

Faan ga ra fol rok Jehovah ma gubin ngiyal’ nra yib angin ngom.
Deuteronomy 30:11-14

Nge pagan’um ndabi yog Jehovah ban’en ngom ni ngam rin’ ndabiyog rom.
Filippi 4:13

Faan ga ra rin’ e tin nib mat’aw, ma ra pi’ Jehovah gelngim.