JULY 28–AUGUST 3

PROVERBS 24

Tang 38 nge Meybil | N’en Nga Nog ko Som’on (1 min.)

TIN NIB GA’ FAN KO THIN ROK GOT

1. Mu Gelnagem ni Fan ko Pi Magawon

(10 min.)

Mu ga’nag e tamilangan’ nge gonop rom (Pr 24:5; w23.07 18 ¶15)

Mu ulul i rin’ e pi n’en ga ma rin’ ni fan ko pigpig rom ngki mada’ ko ngiyal’ ni ke mulan’um (Pr 24:10; w09 12/1 20 ¶12-13)

Faanra ba gel e michan’ rodad mab t’uf Jehovah rodad, ma aram e gad ra athamgil u fithik’ e magawon ni gad be mada’nag (Pr 24:16; w20.12 15)

Reb e walag nib pin ni bay ba mit e m’ar rok nib ubchiya’ ni yow be machib reb e fager rok u mit e tabinaw u fithik’ e felfelan’. Be dag ban’en ni bay ko tablet rok ngak be’ nib pin u tabinaw rok.

2. Ngan Fil Ban’en Riy

(10 min.)

Pr 24:27—Mang e gad be fil ko re thin ney? (lvs 154-155 ¶13-15)

Fulweg rom
Mang e kam beeg ko thin nu Bible ni fan ko re wik ney ni ga baadag ni ngam weliy?

Fulweg rom

3. Thin nu Bible ni Ngan Beeg

(4 min.) Pr 24:1-20 (th bin 11)

N’EN NRAYOG NI NGAM RIN’ U NAP’AN E MACHIB

4. Starting a Conversation

(2 min.) MACHIB U FITHIK’ E SABETHIN. Ke mus e sabethin romew be’ ma dawori yag ni ngam machibnag. (lmd-E guruy ni 2 ko bin 4)

5. Starting a Conversation

(3 min.) MIT E TABINAW. (lmd-E guruy ni 3 ko bin 4)

6. Starting a Conversation

(3 min.) MACHIB U FITHIK’ E GIRDI’ NI YOOR. Mu weliy ngak be’ murung’agen e fol Bible ni gad ma tay, mag pi’ bang e contact card ngak ni fan ko fol Bible. (lmd-E guruy ni 4 ko bin 3)

7. Welthin

(3 min.) lmd-E yugu boch e thin A ko bin 11—Kenggin: Ma Non Got Ngodad. (th bin 6)

TIN MA RIN’ E PIIN KRISTIANO

Tang 99

8. Ra Be’ Me Ayuweg Be’ u Nap’an ni Kan Mada’nag e Magawon

(15 min.) Welthin nge boch e deer.

Rayog ni nge buch boch ban’en nib tomgin ni bod ba mit e m’ar ni ke garer, ara boch ban’en ni ma yib ni yima gafgow riy, ara wagey ni be tay e girdi’, ara mahl, ara gafgow ni yibe tay ko girdi’. Nap’an nra buch boch ban’en ni aray rogon, ma pi walag ni kar gafgowgad e yad ma ayuweged yad, ma ra bagayad ma be pi’ e athamgil nga laniyan’ bagayad. Mus ni faanra gathi gadad e ke buch e pi n’ey rodad, maku ma kireban’dad ko pi walagdad ma gad ma athamgil u rogon nrayog rodad ni ngad ayuweged yad.—1Ko 12:25, 26.

Bogi sasing ni bay u taabang: Boch e walag ni yad be ayuweg pi walagrad u boch e kanawo’ nib thilthil. 1. Be toy e pi walag reb e Tagil’ e Liyor u tomuren ni ke puth u nap’an ni ke buch ban’en ni kan gafgow riy. 2. Ke yan i non e pi walag ngak reb e matin nge bbuliyel ni fak ni kar milgow ko binaw rorow. 3. Be tay reb e walag nib pin e salpiy ni ayuw nga lan ba kahol ni yima tay e salpiy ni ayuw ngay u Tagil’ e Liyor. 4. Be pi’ e pi walag boch ban’en nib t’uf rok e pi walag ni kar milgad ko binaw rorad ni yad bay u reb e Tagil’ e Liyor. 5. Ke yib i pi’ boch e walag yu case i ran. 6. Be meybil reb e walag ni pumoon.

Ngan beeg e 1 Kings 13:6 nge James 5:16b. Ngemu’ min fith e re deer ney ko pi walag:

Mang fan nib ga’ angin e meybil ni ma tay e pi tapigpig rok Got ni fan ngak yugu boch e girdi’?

Fulweg rom

Ngan beeg e Mark 12:42-44 nge 2 Korinth 8:1-4. Ngemu’ min fith e re deer ney ko pi walag:

Mus ni faanra buchuuw e salpiy nrayog ni ngad pied ni ayuw ni fan ko maruwel ni yibe rin’ u ga’ngin yang e fayleng ni nge ayuweg e pi walag ni kar gafgowgad, ma mang fan nsusun e ba fel’ ni ngad rin’ed e re n’ey?

Fulweg rom

Ngan yaliy fare VIDEO ni Strengthening the Brothers Under Ban. Ngemu’ min fith e gal deer ney ko pi walag:

Mang boch ban’en ni pag fan e pi walag ya nge yag nra ayuweged boch e walag ni yad ma par u boch e nam ko Ngek u Europe ni kan taleg e maruwel rodad riy?

Fulweg rom
Uw rogon ni fol e pi walag ko fare thin ni ngaun muulung nga taabang ma ra be’ ma be pi’ e athamgil nga laniyan’ be’ u nap’an nni taleg e maruwel rodad ko gin yad ma par riy?

Fulweg rom

9. Fol Bible ko Ulung

(30 min.) lfb guruy ni 4-5