16. Mmel’eg Ni Ngam Pigpig Ngak Got

1 MU CHUW KO LIYOR NI GOOGSUR

“Mu chuwgad rorad, ngam pithiged gimed rorad. Ma dariy ban’en ni ngkum rin’ed ko n’en nde klin.”—2 Korinth 6:17

Mang fan nib kireb ni ngan meybil ko liyos nge piin ni kar m’ad?

Exodus 20:4, 5; 1 John 5:21

Dabun Jehovah ni ngad fanayed e liyos ni fan ko liyor ni gad ma tay.
Deuteronomy 18:10-12

Piin ni yad ma non ngak e piin ni kar m’ad e yad be non ko pi kan nib kireb.

2 GATHI GUBIN E MADNOM NI YIMA TAY NIB M’AGAN’ GOT NGAY

“Mu guyed rogon ngam nanged e n’en ni ir e mm’agan’ Somol ngay.”—Efesus 5:10

Uw rogon nrayog ni ngam dugliy ko ngam un nga reb e madnom ni yira tay fa danga’?

Ezekiel 44:23; 2 Korinth 6:14, 15

Mu guy rogon ni ngam nang ko fare madnom e ke sum rok e piin ni yad ma liyor nga boch e got ni googsur fa danga’.
Exodus 32:2-10

Mus ni faanra dariy rogon fare madnom ko liyor ni googsur, machane ku rayog nde m’agan’ Got ngay.
Daniel 3:1-27

Dab mu un ko pi madnom ara pi rran ni yima madnomnag ni ngan tayfan boch e girdi’ riy, ara boch e ulung ni ke sunmiy e girdi’, ara boch ban’en ni bay rogon ko nam.
1 Timothy 1:18, 19

Mmaruwel ko tamilangan’ ni kan pi’ ngom ya nge yag ni nga i par e nangan’ rom nib beech u p’eowchen Jehovah.

3 MU WELIY E MICHAN’ ROM U FITHIK’ E SUMUNGUY

“Umogned e thin ngorad nib fel’ ma ba’ fan, ma thingar mu nanged rogon ni ngam pied e fulweg nib mat’aw ko tin ni ke fith be’ nge be’ ngomed.”—Kolose 4:6

Susun ni uw rogon ni ngam weliy e michan’ rom ngak yugu boch e girdi’?

Matthew 7:12

Mu tayfan e n’en ni ke dugliy yugu boch e girdi’ ni ngar rin’ed, ni bod rogon gur ni ga baadag ni ngki tay e girdi’ fan e n’en ni kam dugliy ni ngam rin’.
2 Timothy 2:24

Mu dag e sumunguy, ma dab mu togopuluw ngak be’ u nap’an ni ga be weliy e michan’ rom ngak.
1 Peter 3:15, 16

Mu weliy e michan’ rom u fithik’ e sumunguy nge tayfan.
Hebrews 10:24, 25

Faanra um un ko pi muulung ni ma tay e piin Kristiano ma rayog ni nge pi’ e piin ni kar uned ko muulung e athamgil nga lanin’um mar ayuweged gur ni ngam nang e n’en ni nga mog ngak be’ ni ke fith boch ban’en ngom u murung’agen e pi n’en ni ke mich u wan’um.