Ngan L’ing e “Ran ni Bay U Lan Ba Luwed Nib Toar”

Bay reb e thin ko Bible ni be gaar: “Lem rok be’ e bod e ran ni bay u lan ba luwed nib toar, machane be’ nib tamilangan’ e rayog ni nge l’ing.” (Proverbs 20:5) U nap’an e ngiyal’ ko Bible ma mo’maw ni ngan fek e ran ma gathi aram rogon u boor e binaw ko ngiyal’ ney. Nap’an ni non Jesus ngak fare ppin nu Samaria, ma be l’ing e ran u lan fare luwed ku Jakob, ni 75 e fit toarngin!​—John 4:5-15.

Rogon ni yog ko Proverbs 20:5 ma ba t’uf e gonop ni ngan nang e lem nib toar ko girdi’ nge tafinay rorad ni bay u gum’ercha’rad ni bod e ran u lan e luwed. Aram rogon ko gubin ban’en ko yafas. Susun, sana ga manang boch e girdi’ u lan in e duw ni yad ba llowan’ ma boor e pi n’en ni yad manang nge pi n’en ni kar uned ngay. Faanra gathi ri yad ma weliy boch ban’en ni yad manang ma ba t’uf ni ngam piningrad ngar rin’ed. Faanra ga ra dag ni ga ba adag ni ngam motoyil ngorad, ma ga fith boch e deer ngorad, ma ga fith boch ban’en nib fel’ nifengin l’unguam, ma aram ma ba dake ga be nguchuriy e pakit rom nga lan ba luwed nib toar ni bay e gonop riy.

Fare thin ko Proverbs 20:5 e kub puluw u lan e tabinaw. Boor yay ni kan rung’ag e piin leengiy ni ur gaargad: “Der ma weliy figirngig e tafinay rok!” Ma sana ra yog e an figirngin ni lungun: “Yu ngiyal’ ma dabki non leengig ngog!” Faanra er rogon, ma ba t’uf e gonop ni ngan n’igin e ani mabgol ni nge weliy e lem rok ni bay u gum’ercha’en. Rayog ni ngan fith boch e deer nib fel’ (Ke yib e magawon ngom e daba’? Mang e ke buch? Mang e nggu rin’ ngom?) ma aram e ra k’aring ni ngan sabethin nib fel’ rogon. Ngan gonop ni aram rogon e ra gelnag e mabgol, ma ra yib angin ngak e an figirngin nge an leengin.