Ngan Ayuweg e Ngochol Nge Par nib Fel’

FAAN GA RA yaliy e painting ni kan artnag ma rayog e tow’ath ngom. Ya ga ra guy rogon ni ke fanay fa en ni ke artnag fare painting bokum miriay e brush stokes ni nge tay boor ni boor raen nga daken e canvas.

Ku aram rogon ni yima ngongliy e ngochol nib fel’, ni gathi ke mus taareb e brush stroke ni yira tay, machane boor ni boor e ngongol nib fel’. Arrogon, munmun ma gad ra ngongliy thidad nib fel’ ko ngongol ni kad ngongliyed.

Machane reb e brush stoke nde puluw e rayog ni nge kirebnag e painting. Ku er rogon e ngochol rodad. Yog Solomon ni Pilung ni gaar: “Ngongol nib balyang rok e girdi’ nu fayleng e ra thiliyeg e kanawo’ rok.” (Proverbs 19:3) Ke mus buchuw e ngongol nib balyang ni ngan ngongliy—ni bod ni ngan puwan’ nib gel, ara ngan pag rogon ko unum rum, ara taaareb yay ni ngan un ko ngongol nde yalen​—ma ra kirebnag thin. (Proverbs 6:32; 14:17; 20:1) Ere rib ga’fan ni ngad athamgilgad ni ngad ngongliyed e ngochol nib fel’ ma ngad ayuweged nge par nrogon.​—Mu taarebnag ko Revelation 3:5.