Deer

◼ Gur ba puluw ni ngan wayway u tomren gubin e welthin ko Theocratic Ministry Skul nge Service Meeting?

Nap’an ni sunmiy Jehovah e fayleng, mi i “tang e pi t’uf u taabang, ma pi fak Got e ur tolulgad u fithik’ e felfelan’.” (Job 38:7) Baadag e pi angel ney ni fak Got ni ngar pininged e sorok ku Jehovah ko tin ke sunmiy, ni aram reb e kanawo’ ni ke dag fel’ngin, nge gelngin, nge gonop rok riy.

Rib manigil ni ngaud pininged e magar ko tin ke rin’ pi walagdad. Bod, nnap’an e pi convention nge assembly mab ga’ ni gad ma wayway u tomren gubin e welthin ni kan pi’. Pi welthin nem ni yima pi’ e boor e tayim ni yima tay ni fan ngay. Wayway ni gad ma tay e gathi kemus ni be dag ni gad be pining e magar ngak faen ni ke pi’ fare welthin ya ku be dag ni gad ba felfelan’ ko pi fonow ni ma pi’ Jehovah u daken e Thin nge ulung rok.​—Isa. 48:17; Matt. 24:45-47.

Ma uw rogon e wayway ni yima tay ko welthin ni yima pi’ u nap’an e Theocratic Ministry Skul nge Service Meeting? Dariy ba motochiyel ni be yog ndabni wayway u tomren ni ke pi’ be’ e bin som’on e welthin rok ko Theocratic Ministry Skul. Machane, ba mom ni nge m’ay fan e wayway me yani par ni ban’en ni yi gi be rin’ ni yug dariy fan u wan’uy. Ere ba ga’ ndarur da ma waywaygad u tomren gubin e welthin.

Yugu aram rogon ndarur da waywaygad u tomren urngin e welthin ko Theocratic Ministry Skul nge Service Meeting, machane bay yugu reb e kanawo’ nrayog ni ngad pininged e magar riy ko athamgil nge maruwel ni ke tay e piin ni kar pied e welthin. Rayog ni ngad rin’ed e re n’ey ni faanra da motoyilgad nib fel’ rogon ko pi welthin ni yibe pi’. Maku rayog ni ngad pininged e magar ngak e piin ni kar pied e welthin u tomren e muulung.​—Efe. 1:15, 16.