Deer

◼ Rayog ni nge fanay be’ ara reb e ulung e logo ni ma fanay e Pi Mich Rok Jehovah?

Logo e ba ngachal fa yaan ban’en ni kan ngongliy ni nge mang pow u reb e ulung. Fare logo ni yaan e Wulyang Ntagil’ e Damit e yima fanay ni pow ko Watch Tower Bible and Tract Society of Pennsylvania nge ku boch e ulung ko Pi Mich Rok Jehovah. Ma pi ulung ko Pi Mich Rok Jehovah e nap’an ni yad ra pi’ bang e babyor ni nge yan nga bang ma logo ni yad ma fanay e yaan ba ke Bible ni kan pithig. Ku bay boch e logo nib thil yaan ni ku ma fanay e Pi Mich Rok Jehovah ni pow u boch e ulung ara boch ban’en ni fen e teliw rorad.

Pi logo nem e thingar dabi tay be’ ara pi ulung ko Kingdom Hall rorad, fa babyor ni ngar pied nga bang, ara yugu boch ban’en ni farad. Ya rayog ni nga i maathuk lanin’uy riy. Maku rayog ni nge olobochiy e babyor ni ma pi’ e ulung nga bang, min lemnag ni keb ko tochuch rodad fa branch ofis.

Fare logo ni yaan e Wulyang Ntagil’ e Damit e dabin tay ko Kingdom Hall ni yira toy ni fen reb e ulung ni yugu aram rogon ni fare Kingdom Hall e fen e Watch Tower. Pi Kingdom Hall ni bay e re logo ney riy e de t’uf ni ngan chuweg ni ka chiney ya ba gel e maruwel riy ma boor e salpiy ni yira n’ag ngay. Machane, ra taw nga ba ngiyal’ ni ngkun ngongliy e Kingdom Hall bayay fa bang riy mab fel’ ni yira chuweg.