Announcement

◼ Babyor ni ngan wereg ko April nge May: Wulyang Ntagil’ E Damit nge fare brochure ni Mang e Ba T’uf. June: Rayog ni Ngam Par ni Gab Fas u Paradis u Fayleng. Ngan gay rogon ni ngan tababnaged e fol Bible ko girdi’ ni kan mada’nag. July: Demtrug e babyor ni 32 e page riy.

◼ Nge athamgil gubin e walag u lan e ulung ni ngar wereged e babyor ko gin ni yad ma machib riy ni fan ko district convention nge international convention ni yira tay u ga’ngin yang e fayleng ko biney e duw. Thingar ni tabab i wereg e pi babyor ney u dalip e wik u m’on ko ngiyal’ nra tabab e convention ni kan dugliy ni nge un e ulung ngay.

◼ Thingari pi’ e ulung e lapel badge cards ni fan ko convention e biney e duw ngak urngin e walag u lan e ulung. Taareb rogon e lapel badge card ni yira fanay u nap’an e international convention.

◼ Rayog ni ngan thilyeg boch ban’en u rarogon e muulung ni ma tay e ulung ni fan ko piin ni yad ra un ko gal convention ney. Kub fel’ ni ngan sul nga daken boch e thin nra ayuweg e piin ni yad ra un ko gal muulung ney ko bin tomur e service meeting ni yira tay u m’on ko convention. Ma reb fa l’agruw e pul nga tomren min sul nga daken e pi n’en ni kan weliy u nap’an e convention nrayog ni ngan fanay u nap’an e machib.

◼ Faanra ga be lemnag e chur nga bang ma ga baadag ni nga ga ra un ko muulung u rom ma thingar mu yol ko branch ofis ko fagi n’en ni ngam man ngay nge mang yad e ra ayuweged gur nga rogned ngom e rran, nge tayim, nge gin ni yira tay e muulung riy. Address u gubin e branch ofis e bay ko bin tomur e page ko Yearbook ko biney e duw.