Mu Ayuweg e Bitir Rom ni Nga i Lek Kristus

Dariy ban’en nib gel e felfelan’ riy ko bin ni nge guy reb e gallabthir ni Kristiano e bitir rok ni ke ‘pag fan ir, nge fek fare ley i gek’iy rok nge lek’ Jesus. (Mr 8:34; 3Jo 4) Mang e rayog ni nge rin’ e piin gallabthir ni ngar ayuweged pi fakrad ni nge yag ni ngaur leked Jesus mar ognaged e yafos rorad ngak Jehovah ngar uned ko taufe? Mang boch ban’en nra m’ug ko ngongol ko bitir rom ni nge dag ni aram e ke bung rogon ni nge un ko taufe?

Mu beeg fare thin ni “Boch e Thin ni Fan ko Pi Gallabthir ni Kristiano” ni bay ko page 4-5 ko fare ke babyor ni ‘Mmarod Ngak e Girdi’ Ngam Pingeged Yad Ngar Manged Pi Gachalpeg, Mi Gimed Taufenagrad,’ ngemu’ min weliy e pi deer ni baaray:

1. Mang e be yip’ fan ni nge mang be’ reb i gachalpen Jesus?

2. Mang e thingari fil e piin gallabthir ngak pi fakrad?

3. Ra nge bung rogon reb e bitir ni nge un ko taufe, ma uw rogon nsusun e nge fol ko pi thin nu Bible ni baaray u rogon nrayog rok?

   • Kol 3:20

   • Lu 2:46

   • Ps 122:1

   • Mt 4:4

   • Mt 6:33

   • 1Ko 15:33