Mu Folwok rok Kristus

Ke dag Jesus e kanawo’ ngodad nrayog ni ngad folwokgad riy, nib ga’ nu nap’an ni gad be mada’nag e skeng nge togopuluw. (1Pe 2:21-23) Yugu aram rogon ni unog e thin nib kireb ngak, ma yibe gafgownag, machane dariy ba ngiyal’ ni sulweg taban e kireb ni yibe rin’ ngak. (Mr 15:29-32) Ere mang e ayuweg ni nge athamgil u fithik’ e pi n’em? Ke dugliy u wan’ ni nge rin’ e n’en nib m’agan’ Jehovah ngay. (Joh 6:38) Maku reb e, be par ni be l’eg owchen ko “felfelan’ ni be sonnag” u nap’an ni yira tow’athnag.​—Heb 12:2.

Mang e gad ra rin’ u nap’an ni yira togopuluw ngodad min gafgownagdad ni bochan e michan’ rodad? Bochan ni gadad e tin riyul’ e Kristiano, ma nap’an nra rin’ be’ ban’en nib kireb ngodad, ma ‘darud sulweged taban ngak nib kireb.’ (Ro 12:14, 17) Faan gad ra folwok u rogon ni i athamgil Kristus u nap’an ni un gafgownag, ma rayog ni ngad felfelan’gad ni bochan e gad be rin’ ban’en nib fel’ u wan’ Got.​—Mt 5:10-12; 1Pe 4:12-14.

NGAN YALIY FARE VIDEO NI KENGGIN E JEHOVAH’S NAME IS MOST IMPORTANT, NGEMU’ MIN PI’ E FULWEG KO PI DEER NI BAARAY:

• Uw rogon ni ke maruwel Sister Pötzingera ko tayim rok nib fel’ rogon u nap’an ni ka non’ nga lan ba singgil ni yigoo ir?

• Mang boch e gafgow ni i athamgil Brother nge Sister Pötzinger u fithik’ u nap’an ni ur mew u boch e concentration camp?

• Mang e ayuwegrow ni ngar athamgilgow?