Rogon ni Ke Yib Angin e Ayuw ni Kan Pi’ ngak e Pi Walag ko Pi Donguch u Lan e Caribbean

Ngiyal’ ney e ri gad ba tow’ath nrayog ni ngad daged e t’ufeg ngak pi walagdad ni kar gafgowgad ni bochan e yoko’ ara durru’ ara ku boch ban’en ni yima gafgow riy, ni bod rogon e n’en ni rin’ e pi Kristiano ko bin som’on e chibog. (Joh 13:34, 35) Ngan yaliy fare video ni kenggin e Love in Action​—Relief Work in the Islands, min yaliy rogon ni ke ayuweg e pi walag ni Kristiano e pi walag ni yad ma par ko pi donguch u lan e Caribbean, ngemu’ min fith e pi deer ni baaray:

• Mang e ke buch rok e pi walagdad ni yad ma par ko pi donguch u lan e Caribbean u nap’an ni aw fa gali yoko’ ni Irma nge Maria?

• Uw rogon ni ke fanay Jehovah e pi walag u ga’ngin yang e fayleng ni ngar ayuweged e pi walagdad ni yad ma par ko pi donguch u lan e Caribbean?

• Mang angin e t’ufeg nge gol ni ke dag e pi walag ngak e pi walagdad ni kar gafgowgad ni bochan e yoko’?

• Uw urngin e walag nra uned i pi’ e ayuw ko gin ni ke aw e yoko’ ngay u lan e pi donguch u Caribbean?

• Uw rogon nrayog ni ngad ayuweged e pi walagdad ni yad be gafgow?

• Bochan e n’en ni kam guy ko re video ney, ma uw rogon u wan’um ni gur bang ko re ulung ney ni bay e t’ufeg riy?