Nge Ga’ Fan u Wan’um e Tha’ u Thilmew Jehovah

Pi Mich Rok Jehovah e bay reb e tow’ath rorad nrib manigil. Bochan ni gadad boch e Kristiano ni kad ognaged gadad ngak Got kad uned ko taufe, ma aram fan ni gad be ulul ni ngad chugurnaged e tha’ u thildad Jehovah ni Ir e Somol rodad Nth’abi Tolang. Ke pow’iydad ngak u daken Fak. (Joh 6:44) Ku ma motoyil ko meybil rodad.​—Ps 34:15.

Uw rogon ni ngad ayuweged e tha’ u thildad Got? Reb e ban’en ni ngad rin’ed e aram e ngad siyeged e ngongol nib kireb ni i rin’ piyu Israel. De n’uw nap’an nga tomuren ni ngongliy Jehovah ba m’ag u thilrad piyu Israel, ma aram mar ngongliyed ba liyos ni yaan ba pi fak e garbaw ngaur meybilgad ngay. (Ex 32:7, 8; 1Ko 10:7, 11, 14) Rayog ni ngad fithed gadad ni nge lungudad: ‘Mang e gu ma rin’ u nap’an nra yib e lumel ngog ni nggu rin’ ban’en nib kireb? Be m’ug ko ngongol rog nib ga’ fan u wan’ug e tha’ u thilmow Jehovah, fa?’ N’en nra ayuwegdad ndab da rin’ed e pi n’en ma fanenikay e Chitamangidad ni bay u tharmiy e aram e ngad gelnaged e t’ufeg rodad ngak.​—Ps 97:10; Am 5:15.

NGAN YALIY FARE VIDEO NI KENGGIN E GUARD YOUR RELATIONSHIP WITH JEHOVAH (KOL 3:5), NGEMU’ MIN PI’ E FULWEG KO PI DEER NI BAARAY:

• Uw rogon be’ nib chogow?

• Mang fan ni ngad siyeged e chogow nge meybil ko liyos?

• Uw rogon ni faanra par be’ nge be’ ni gathi mabgol rok ma bod ni ke un ko meybil ko liyos?

• Mang fan ni be’ ni bay boch e maruwel nib milfan ngak u lan e ulung e thingari pi’ e tin nib t’uf ko en mabgol rok?