MAY 5-11

PROVERBS 12

Tang 101 nge Meybil | N’en Nga Nog ko Som’on (1 min.)

TIN NIB GA’ FAN KO THIN ROK GOT

1. Ga Ra Maruwel nib Gel Ma Yira Tow’athnagem

(10 min.)

Dab mu adbey e tayim rom ni ngaum nameg boch ban’en ndariy gam’engin (Pr 12:11)

Mmaruwel nib gel, mag rin’ urngin e tin nrayog rom (Pr 12:24; w16.06 31 ¶1)

Yira tow’athnagem ko maruwel nib gel ni ga be tay (Pr 12:14)

Bogi sasing ni bay u taabang: Reb e walag ni pumoon ni be maruwel ni be ngongliy e pipe maku be rin’ boch e maruwel ni fan ko tirok Got ban’en. 1. Be yan ni ke fek talin e maruwel rok. 2. Be fanay ba talin e maruwel ni nge fal’eg ba pipe nib ga’. 3. Yad be un chon e tabinaw rok nga reb e muulung. Yow be tining bochi buliyel ni fak pa’row nga lang ni ngar piew e fulweg. 4. Be fanay bangi tract ni nge machibnag be’ nib pumoon u bangi ban’en ni yima pi’ e pensin riy ni chuway’.

N’EN NRA AYUWEGEM: Rayog ni ngad felfelan’gad ko maruwel nib gel ni gad ma tay ni faan gad ra lemnag rogon angin nra yib ngak yugu boch e girdi’.—Ac 20:35; w15 2/1 5 ¶4-6.

2. Ngan Fil Ban’en Riy

(10 min.)

Pr 12:25—Uw rogon nrayog ni ngad fanayed e thin ni gad ma yog ni ngad ayuweged yugu boch e girdi’? (w24.09 28 ¶10)

Fulweg rom
Mang e kam beeg ko thin nu Bible ni fan ko re wik ney ni ga baadag ni ngam weliy?

Fulweg rom

3. Thin nu Bible ni Ngan Beeg

(4 min.) Pr 12:1-20 (th bin 5)

N’EN NRAYOG NI NGAM RIN’ U NAP’AN E MACHIB

4. Starting a Conversation

(2 min.) MIT E TABINAW. (lmd-E guruy ni 1 ko bin 4)

5. Starting a Conversation

(3 min.) MIT E TABINAW. Mu ognag e fol Bible ngak be’. (lmd-E guruy ni 5 ko bin 4)

6. Following Up

(3 min.) MACHIB U FITHIK’ E SABETHIN. Mu dag e website rodad ngak be’ ni bay e bitir rok. (lmd-E guruy ni 9 ko bin 3)

7. Mu Weliy e Michan’ Rom

(3 min.) Ngan yan u yaan. ijwfq-E article 3—Kenggin: Ba Mich u Wan’um ni Teliw Rom e Aram e Bin Riyul’ e Teliw, Fa? (lmd-E guruy ni 4 ko bin 3)

TIN MA RIN’ E PIIN KRISTIANO

Tang 21

8. Ra Ayuwegem Jehovah u Nap’an ni Ga Be Magawon ko Salpiy

(15 min.) Welthin nge boch e deer.

Be magafan’um ndabiyog ni ngam pirieg reb e maruwel ni ngam un ngay, ara rin talegem ko maruwel, ara dabi gaman e salpiy ni ngam yognag e tin nib t’uf ko par rom e chiney ara nap’an ni kam pilibthir, fa? Rogon ni gad ma yognag e tin nib t’uf ko par rodad u lan e re fayleng ney e rayog ni nge thil nib tomgin. Machane be micheg Jehovah ngodad ni faan gad ra m’oneg u lan e yafos rodad ma gubin ngiyal’ nra pi’ e tin nib t’uf ko par rodad ngki mada’ ko ngiyal’ ni kad magawongad ko salpiy ni bochan ban’en ni ke buch ni ke thilyeg rogon e par rodad.—Ps 46:1-3; 127:2; Mt 6:31-33.

Yaan bang ko fare video ni “Jehovah Has Never Let Us Down.” Be kol Brother Alvarado pa’ leengin u nap’an ni yad be meybil chon e tabinaw rok.

Ngan yaliy fare VIDEO ni Jehovah Has Never Let Us Down. Ngemu’ min fith e re deer ney ko pi walag:

Mang e kam fil ko n’en ni buch rok Brother Alvarado?

Fulweg rom

Ngan beeg e 1 Timothy 5:8. Ngemu’ min fith e re deer ney ko pi walag:

Uw rogon ni be gelnag e re thin ney e michan’ rom ni gubin ngiyal’ nra pi’ Jehovah e tin nib t’uf rok e piin yad ma liyor ngak?

Fulweg rom

Am lemnag in e kenggin e motochiyel u Bible nra ayuwegem u nap’an ni ga be magawon ko salpiy:

Mmomnag rogon e par rom. Dab kum tay e malfith ara mu chuw’iy boch ban’en nde ga’ fan.—Mt 6:22
Mu dugliy boch ban’en ni bay rogon ko maruwel nge skul rom nra ayuwegem ni ngam m’oneg u wan’um e tirok Got ban’en.—Fil 1:9-11
Mu sobut’nag lanin’um me m’agan’um ngay ni ngam thilyeg boch ban’en u rarogom. Faanra kan talegem ko maruwel, ma nge m’agan’um ngay ni ngam un nga yugu boch e maruwel ni kub muun ngay e maruwel nib sobut’ ya nge yag nim yognag e tin nib t’uf ko tabinaw rom.—Pr 14:23
Nge m’agan’um ngay ni ngam pi’ boch e tin bay rom ngak yugu boch e girdi’ ni mus ni faanra de yoor ban’en rom.—Heb 13:16

9. Fol Bible ko Ulung

(30 min.) bt guruy ni 26 ¶1-8, nge kahol ko pp. 204, 208