Mu Weliy e Tin Kam Fil Ngak Be’

Nap’an ni gad ra fil e Bible rodad ma rayog ni ngad felfelan’gad. Machane kab gel e felfelan’ ni gad ra tay u nap’an ni gad ra weliy ngak yugu boch e girdi’ e pi n’en kad pirieged u nap’an e fol Bible ni kad ted. Be gaar e Proverbs 11:25 (BT): “Mu ayuweg boch e girdi’ min ayuwegem.”

Nap’an ni gad ra weliy e pi n’en kad filed ngak yugu boch e girdi’, ma rayog ni nge mom ni nge par u lanin’dad e pi n’en kad filed me toar e tamilangan’ rodad. Gad ma felfelan’ ni ngad weliyed e pi n’ey ngorad ni bochan e rayog ni nge ayuwegrad.​—Acts 20:35.

Mu rin’ e re n’ey: Nap’an e bin migid e wik, mag guy rogon ni ngam weliy ngak be’ reb e ban’en ni kam fil. Rayog ni ngam weliy ngak be’ u lan e tabinaw rom, ara be’ u lan e ulung, ara be’ ni gimew nga maruwel, ara skul, ara be’ ni buguli yoror rom, ara be’ ni kam mada’nag u nap’an e machib. Mu guy rogon ni ngam weliy ko thin rom u reb e kanawo’ nib mom ni ngan nang fan mab tamilang.

Dab mu pagtalin: Mu weliy e pi n’en kam fil ngak yugu boch e girdi’ ni bochan e ngam pi’ e athamgil nga lanin’rad, ma gathi bochan e ngan lemnag ni boor ban’en ni ga manang.​—1 Kor. 8:1.