U Lan e Re Ke Babyor Ney

Ngiyal’ ney e boor e girdi’ ni yad baadag ni ngan nangrad u lan e re fayleng rok Satan ney. Re article ney e be weliy fan nib t’uf ni gubin ngiyal’ ma ngad guyed rogon ni Jehovah e ir e nge nangdad, ya aram e en th’abi fel’ ni nge nangdad. Ku gad ra weliy rogon ni ma dag Jehovah ni be lemnag e pi tapigpig rok ni yad ba yul’yul’, nge rogon ni ma rin’ e re n’ey u boch e kanawo’ ndan lemnag nra rin’ riy.

Re article ney e ra ayuwegdad ni ngad nanged fan ni denen Moses ni yugu aram rogon ni ir be’ nib yul’yul’ nge rogon ni mul u pa’ fare tow’ath nrayog ni nge un nga lan fare Nam ni Kan Micheg. Ku gad ra weliy rogon nrayog ni ngad siyeged ndabi buch rodad e n’en ni buch rok.

Gubin e girdi’ nib mil farad ngak Jehovah, ere thingar da yul’yul’gad ngak. Bay boch e girdi’ ni yad ma yog ni yad be liyor ngak Got machane darur folgad rok. Bin som’on e article e gad ra fil riy boch ban’en nib ga’ fan ni bay u boch e thin nu Bible ni murung’agen Kain, nge Solomon, nge Moses, nge Aron. Bin migid e article e gad ra weliy riy boch e kanawo’ nrayog ni ngad daged riy ngak Jehovah ni gad be pining e magar ngak nib mil fadad ngak ma kad manged girdien.