Rogon ni Kan Yarmiy e Ulung

Jehovah e ir reb e Got nib yaram. (1 Korinth 14:33) Ere ku arrogon e girdi’ rok ni yad ba yaram. Uw rogon ni kan yarmiy e ulung ni Kristiano? Ma uw rogon ni ngad ayuweged ni nga i par nib yaram urngin ban’en riy?

1. Mini’ lolugen e ulung?

Kristus e “ir e be gagiyegnag” e ulung. (Efesus 5:23) Ma par u tharmiy nga i pow’iy rogon e maruwel ni be rin’ e girdi’ rok Jehovah u ga’ngin yang e fayleng. Ke mel’eg Jesus “fare tapigpig nib yul’yul’ ma ba gonop” ara bochi ulung i pumoon ni ke n’uw nap’an ni kar manged piilal ni ku yima yog fare Ulung ni Ma Pow’iyey ngorad. (Mu beeg e Matthew 24:45-47.) Re ulung ney e yad ma yarmiy rogon e n’en ma rin’ e pi ulung u ga’ngin yang e fayleng ni bod e n’en ni i rin’ e pi apostal nge piin piilal u Jerusalem u nap’an e bin som’on e chibog. (Acts 15:2) Machane pi pumoon ney e gathi yad lolugen e ulung rodad. Ya yad ma beeg e Bible ni ngar nanged e n’en baadag Jehovah ni ngar rin’ed, mar folgad u rogon ni be pow’iyrad Jesus.

2. Mang e maruwel ko piin piilal?

Piin piilal e yad boch e pumoon ni ke yoor e duw ni kar manged boch e Kristiano nib yul’yul’ ni yad ma fanay e Bible ni ngar skulnaged e girdi’ rok Jehovah, mar ayuweged yad, mu kur pied e athamgil nga lanin’rad. Danir pi’ puluwrad ko maruwel ni yad ma rin’. Ya yad ma rin’ e maruwel rorad u p’eowchen Got nib m’agan’rad ngay ni ‘fan e ri yad ba adag ni ngar pigpiggad ngak,’ ma gathi bochan e nge yag boch ban’en riy ngorad. (1 Peter 5:1, 2) Pi ministerial servant e yad boch e pumoon u lan e ulung ni yad ma ayuweg e piin piilal, ma ra munmun maku rayog ni nge bung rogorad ni ngar manged boch e piilal.

Ma mel’eg fare Ulung ni Ma Pow’iyey boch e piilal ni ngaur lekaged e ulung ni ngar pied boch e fonow ngak e pi walag ma yad be pi’ e athamgil nga lanin’rad. Yad ma fanay e n’en be yog e Bible ni ngar dugliyed ko rayog ni ngar mel’eged reb e walag ni pumoon ni nge mang reb e ministerial servant ara piilal fa dabiyog.​—1 Timothy 3:1-10, 12; Titus 1:5-9.

3. Mang e ba milfan ngak urngin e Pi Mich Rok Jehovah?

Gubin e girdi’ u lan e ulung ni yad ma ‘pining e sorok nga fithingan Somol’ ni aram e yad ma un ko pi n’en yima rin’ u nap’an e muulung, maku yad be un ko machib u rogon nrayog rorad.​—Mu beeg e Psalm 148:12, 13.

KUM FIL BOCH BAN’EN U MURUNG’AGEN

4. Jesus e ir e en ma yog e thin rodad nib sumunguy

Be pi’ Jesus e athamgil ngodad ni nge m’agan’dad ngay ni ir e nge yog e thin rodad. Mu beegew e Matthew 11:28-30, mi gimew weliy e fulweg ko re deer ni baaray:

• Uw rogon laniyan’ e piin ma yog Jesus e thin rorad?

VIDEO: Elders Respond to Nepal Earthquake (4:56)

Be tamilangnag e Bible rogon nsusun e nga i rin’ e piin piilal e maruwel rorad.

Mu beegew e Isaiah 32:2 nge 1 Peter 5:1-3, mi gimew weliy e fulweg ko gal deer ni baaray:

• Uw rogon u wan’um ni kam nang ni ma guy e piin piilal rogon ni ngar pied e athamgil nga laniyan’ yugu boch e girdi’ ni bod Jesus?

• Mang boch e kanawo’ ni ma folwok e piin piilal rok Jesus riy?

5. Piin piilal e yad ma fil ban’en ko girdi’ u daken e ngongol rorad

VIDEO: Elders Take the Lead! (7:39)

Bay e fonow ni pi’ Jesus ni fan ngak e piin yad ma yog e thin u lan e ulung. Mu beegew e Matthew 23:8-12, mi gimew weliy e fulweg ko gal deer ni baaray:

• Mang e fonow ni bay u Bible ni fan ko piin piilal? Ga be lemnag ni ma fol e pi tayugang’ ko teliw ko n’en be yog e Bible, fa?

1. Piin piilal e yad ma guy rogon ni ngar ted yad nge chon e tabinaw rorad ni yad ba gel ko tirok Got ban’en

2. Piin piilal e yad ma ayuweg urngin e girdi’ u lan e ulung

3. Piin piilal e yad ma machib ni gubin ngiyal’

4. Piin piilal e yad ma skulnag e girdi’ rok Got. Ku yad ma pi’ e ayuw ko klin nge yugu boch e maruwel

6. Rayog ni ngad folgad u rogon ni ma pow’iydad e piin piilal

Be yog e Bible reb i fan nib ga’ fan ni ngad folgad u rogon ni ma pow’iydad e piin piilal. Mu beegew e Hebrews 13:17, mi gimew weliy e fulweg ko gal deer ni baaray:

• Mang fan ni be yog e Bible nsusun e nge m’agan’dad ngay ni ngad folgad rok e piin yad ma yog e thin rodad? Uw rogon e re n’ey u wan’um?

Mu beegew e Luke 16:10, mi gimew weliy e fulweg ko re deer ni baaray:

• Mang nib ga’ fan ni ngad folgad u rogon ni ma pow’iydad e piin piilal ngki mada’ nga boch ban’en ni gad be lemnag ni gathi rib ga’ fan?

N’EN KAN FIL

Jesus e ir lolugen e ulung. Gad ba felfelan’ ni gad ma fol ko piin piilal ni yad bay u tan pa’ ni bochan e yad ma pi’ e athamgil nga lanin’dad ma yad ma fil ban’en ngodad u daken e ngongol rorad.

Ngan Sul u Daken

• Mini’ lolugen e ulung?

• Uw rogon ni ma ayuweg e piin piilal e ulung?

• Mang e ba milfan ngak urngin e tapigpig rok Jehovah?

MU GAY MURUNG’AGEN

Mu guy rogon nri ma lemnag fare Ulung ni Ma Pow’iyey nge yugu boch e piilal e piin Kristiano e ngiyal’ ney.

Strengthening the Brothers Under Ban (4:22)

Mu fil murung’agen e maruwel ni ma rin’ e pi walag ni pumoon ni yad ma lekag e ulung.

The Life of a Rural Circuit Overseer (4:51)

Mu beeg e n’en nib milfan ngak e piin nib pin u lan e ulung.

“Do Jehovah’s Witnesses Have Women Ministers?” (The Watchtower, September 1, 2012)

Mu beeg murung’agen e maruwel nib gel ni ma tay e piin piilal ni ngar pied e athamgil nga laniyan’ e piin taareb e michan’ rorad.

“Piin Piilal e Yad ‘Be Ayuwegdad ni Fan ko Felfelan’ Rodad’” (Fare Wulyang ko Damit, January 1, 2013)