I Fil Jesus Rogon ni “Ngi i Fol”

Gubin ngiyal’ ni ma fol Jesus rok Jehovah. (John 8:29) Ere mang fan ni be gaar e Bible: “Gafgow ni i tay e fil rogon riy ni ngi i fol rok Got”?​—Heb. 5:8.

Bay boch ban’en ni buch rok Jesus u fayleng nda i buch rok u tharmiy. Gallabthir rok e yow ba yul’yul’ ngak Got machane dawor ra flontgow. (Luke 2:51) Ba gel e gafgow ni i tay e pi tayugang’ ko teliw nge am ngak ni yad ba kireb. (Matt. 26:59; Mark 15:15) Maku reb e “i par nib sobut’an’ ma be fol rok Got nge yan i mada’ ko ngiyal’ ni yim’ riy” nib gel e gafgow ko yam’ ni tay.​—Fil. 2:8.

Pi n’ey ni buch rok Jesus e fil riy rogon ni nge fol rok Got u reb e kanawo’ nde fil u nap’an ni immoy u tharmiy. Ere rayog ni nge mang Pilung nib flont nge Prist Nth’abi Tolang nrayog ni nge nang rogon lanin’dad. (Heb. 4:15; 5:9) Ki gel feni ga’ fan Jesus u wan’ Jehovah u tomuren ni fil rogon ni nge fol rok u daken e gafgow ni i tay. Ku arrogodad ni faanra ud folgad rok Jehovah u nap’an ni gad be mada’nag boch e magawon nib mo’maw’ ma ra gel feni ga’ fadad u wan’ miki fanaydad nib fel’ rogon u nap’an ni ke pi’ reb e maruwel ngodad.​—Jas. 1:4.