• 1 Sámúẹ́lì 2:31-34
    Bíbélì Mímọ́ ti Ìtumọ̀ Ayé Tuntun

    • 31 Wò ó! Ọjọ́ ń bọ̀ tí màá gba agbára rẹ* àti ti ilé baba rẹ, tí ẹnì kankan nínú ilé rẹ kò fi ní dàgbà.+ 32 Bí mo ti ń ṣe rere fún Ísírẹ́lì, alátakò ni wàá máa rí nínú ibùgbé mi,+ kò tún ní sí ẹni tó máa dàgbà nínú ilé rẹ mọ́ láé. 33 Èèyàn rẹ tí mi ò mú kúrò lẹ́nu sísìn níbi pẹpẹ mi yóò mú kí ojú rẹ di bàìbàì, yóò sì kó ẹ̀dùn ọkàn bá ọ,* idà àwọn èèyàn ló máa pa èyí tó pọ̀ jù lára àwọn ará ilé rẹ.+ 34 Ohun tó máa ṣẹlẹ̀ sí àwọn ọmọkùnrin rẹ méjèèjì, Hófínì àti Fíníhásì yóò jẹ́ àmì fún ọ: Ọjọ́ kan náà ni àwọn méjèèjì máa kú.+

  • Àìsáyà 55:10, 11
    Bíbélì Mímọ́ ti Ìtumọ̀ Ayé Tuntun

    • 10 Torí bí òjò àti yìnyín ṣe ń rọ̀ láti ọ̀run gẹ́lẹ́,

      Tí kì í sì í pa dà síbẹ̀, àfi tó bá mú kí ilẹ̀ rin, tó jẹ́ kó méso jáde, kí nǹkan sì hù,

      Tó jẹ́ kí ẹni tó fúnrúgbìn ká irúgbìn, tí ẹni tó ń jẹun sì rí oúnjẹ,

      11 Bẹ́ẹ̀ ni ọ̀rọ̀ mi tó ti ẹnu mi jáde máa rí.*+

      Kò ní pa dà sọ́dọ̀ mi láìṣẹ,+

      Àmọ́ ó dájú pé ó máa ṣe ohunkóhun tí inú mi bá dùn sí,*+

      Ó sì dájú pé ohun tí mo rán an pé kó ṣe máa yọrí sí rere.