7 Wọ́n mú kẹ́tẹ́kẹ́tẹ́ náà àti ọmọ rẹ̀ wá, wọ́n tẹ́ aṣọ àwọ̀lékè wọn sórí wọn, ó sì jókòó sórí wọn.+ 8 Ọ̀pọ̀ nínú àwọn èrò náà tẹ́ aṣọ àwọ̀lékè wọn sí ojú ọ̀nà,+ àwọn míì ń gé àwọn ẹ̀ka igi, wọ́n sì ń tẹ́ wọn sí ojú ọ̀nà. 9 Bákan náà, àwọn èrò tó ń lọ níwájú rẹ̀ àti àwọn tó ń tẹ̀ lé e ń kígbe ṣáá pé: “A bẹ̀ ọ́, gba Ọmọ Dáfídì là!+ Ìbùkún ni fún ẹni tó ń bọ̀ ní orúkọ Jèhófà!*+ A bẹ̀ ọ́, gbà á là, ní ibi gíga lókè!”+

39 Torí mò ń sọ fún yín pé, ó dájú pé ẹ ò ní rí mi láti ìsinsìnyí títí ẹ fi máa sọ pé, ‘Ìbùkún ni fún ẹni tó ń bọ̀ ní orúkọ Jèhófà!’”*+

7 Wọ́n mú ọmọ kẹ́tẹ́kẹ́tẹ́+ náà wá sọ́dọ̀ Jésù, wọ́n tẹ́ aṣọ àwọ̀lékè wọn sórí rẹ̀, ó sì jókòó sórí rẹ̀.+ 8 Bákan náà, ọ̀pọ̀ èèyàn tẹ́ aṣọ àwọ̀lékè wọn sí ojú ọ̀nà, àmọ́ àwọn míì gé àwọn ẹ̀ka igi tó ní ewé látinú pápá.+ 9 Àwọn tó ń lọ níwájú àti àwọn tó ń bọ̀ lẹ́yìn sì ń kígbe ṣáá pé: “A bẹ̀ ọ́, gbà là!+ Ìbùkún ni fún ẹni tó ń bọ̀ ní orúkọ Jèhófà!*+ 10 Ìbùkún ni fún Ìjọba Dáfídì bàbá wa tó ń bọ̀!+ A bẹ̀ ọ́, gbà là, ní ibi gíga lókè!”

37 Gbàrà tó dé tòsí ojú ọ̀nà tó lọ sísàlẹ̀ láti Òkè Ólífì, inú gbogbo àwọn ọmọ ẹ̀yìn tí wọ́n pọ̀ rẹpẹtẹ bẹ̀rẹ̀ sí í dùn, wọ́n sì gbóhùn sókè, wọ́n ń yin Ọlọ́run torí gbogbo iṣẹ́ agbára tí wọ́n ti rí, 38 wọ́n ń sọ pé: “Ìbùkún ni fún ẹni tó ń bọ̀ bí Ọba ní orúkọ Jèhófà!* Àlàáfíà ní ọ̀run àti ògo ní ibi gíga lókè!”+