8 Ta ló sì fi àwọn ilẹ̀kùn sé òkun,+

Nígbà tó tú jáde látinú ikùn,*

 9 Nígbà tí mo fi ìkùukùu wọ̀ ọ́ láṣọ,

Tí mo sì fi ìṣúdùdù tó kàmàmà wé e,

10 Nígbà tí mo pààlà ibi tí mo fẹ́ kó dé,

Tí mo sì fi àwọn ọ̀pá àtàwọn ilẹ̀kùn rẹ̀ sáyè wọn,+

11 Mo sì sọ pé, ‘Ibi tí o lè dé nìyí, má kọjá ibẹ̀;

Ìgbì rẹ tó ń ru sókè kò ní kọjá ibí yìí’?+

 7 Bí wọ́n ṣe gbọ́ ìbáwí rẹ, wọ́n fẹsẹ̀ fẹ;+

Bí wọ́n ṣe gbọ́ ìró ààrá rẹ, ìbẹ̀rù mú kí wọ́n sá lọ

 8 —Àwọn òkè lọ sókè,+ àwọn àfonífojì sì lọ sílẹ̀—

Sí ibi tí o ṣe fún wọn.

 9 O pa ààlà tí wọn ò gbọ́dọ̀ kọjá,+

Kí wọ́n má bàa bo ayé mọ́.

22 ‘Ṣé ẹ kò bẹ̀rù mi ni?’ ni Jèhófà wí,

‘Ṣé kò yẹ kí ẹ̀rù bà yín níwájú mi?

Èmi ni mo fi iyanrìn pààlà òkun,

Ó jẹ́ ìlànà tó wà títí láé tí òkun kò lè ré kọjá.

Bí àwọn ìgbì rẹ̀ tiẹ̀ ń bì síwá-sẹ́yìn, wọn kò lè borí;

Bí wọ́n tiẹ̀ pariwo, síbẹ̀, wọn kò lè ré e kọjá.+