12 mo sì fún Bárúkù,+ ọmọ Neráyà,+ ọmọ Maseáyà ní ìwé àdéhùn náà lójú Hánámélì ọmọ arákùnrin bàbá mi àti lójú àwọn ẹlẹ́rìí tó buwọ́ lu ìwé àdéhùn náà àti lójú gbogbo àwọn Júù tó jókòó sí Àgbàlá Ẹ̀ṣọ́.+

2 “Ohun tí Jèhófà Ọlọ́run Ísírẹ́lì sọ nípa rẹ nìyí, ìwọ Bárúkù, 3 ‘O sọ pé: “Mo gbé! Nítorí pé Jèhófà ti fi ẹ̀dùn ọkàn kún ìrora mi. Àárẹ̀ mú mi nítorí ìrora mi, mi ò sì rí ibi ìsinmi kankan.”’

4 “Kí o sọ fún un pé, ‘Ohun tí Jèhófà sọ nìyí: “Wò ó! Ohun tí mo ti kọ́ ni màá ya lulẹ̀, ohun tí mo sì ti gbìn ni màá fà tu, ìyẹn gbogbo ilẹ̀ náà.+ 5 Ṣùgbọ́n ìwọ ń wá* àwọn ohun ńlá fún ara rẹ. Má ṣe wá wọn mọ́.”’

“‘Nítorí mo máa tó mú àjálù wá bá gbogbo èèyàn,’*+ ni Jèhófà wí, ‘àmọ́ màá jẹ́ kí o jèrè ẹ̀mí rẹ* ní ibikíbi tí o bá lọ.’”+