MÍKÀ

Fetí sílẹ̀, ìwọ ayé àti ohun tó wà nínú rẹ,

Kí Jèhófà Olúwa Ọba Aláṣẹ jẹ́rìí ta kò yín,+

Kí Jèhófà ṣe bẹ́ẹ̀ láti inú tẹ́ńpìlì mímọ́ rẹ̀.

 3 Wò ó! Jèhófà ń jáde lọ láti àyè rẹ̀;

Ó máa sọ̀ kalẹ̀ wá, á sì tẹ àwọn ibi gíga ayé mọ́lẹ̀.

 4 Àwọn òkè yóò yọ́ lábẹ́ ẹsẹ̀ rẹ̀,+

Àwọn àfonífojì* yóò sì pín sọ́tọ̀ọ̀tọ̀,

Bí ìgbà tí iná yọ́ ìda,

Bí omi tó ṣàn wálẹ̀ ní gẹ̀rẹ́gẹ̀rẹ́ òkè.

 5 Ọ̀tẹ̀ Jékọ́bù ló fa gbogbo èyí,

Ẹ̀ṣẹ̀ ilé Ísírẹ́lì.+

 6 Màá sọ Samáríà di àwókù ilé inú oko,

Yóò di ibi tí wọ́n ń gbin àjàrà sí;

Màá ju* àwọn òkúta rẹ̀ sínú àfonífojì,

Èmi yóò sì hú àwọn ìpìlẹ̀ rẹ̀ síta.

 7 Gbogbo ère gbígbẹ́ rẹ̀ máa fọ́ sí wẹ́wẹ́,+

Gbogbo ẹ̀bùn tó sì gbà nídìí iṣẹ́ aṣẹ́wó* ni wọ́n máa finá sun.+

Torí èrè tó rí nídìí iṣẹ́ aṣẹ́wó ló fi kó wọn jọ,

Wọ́n á sì pa dà di èrè fún àwọn aṣẹ́wó.”

 8 Torí èyí, màá pohùn réré ẹkún, màá sì hu;+

Èmi yóò rìn láìwọ bàtà àti ní ìhòòhò.+

Màá pohùn réré ẹkún bí ajáko,*

Èmi yóò sì ṣọ̀fọ̀ bí ògòǹgò.

 9 Torí ọgbẹ́ rẹ̀ kò lè jinná;+

Ó ti dé Júdà lọ́hùn-ún lọ́hùn-ún.+

10 “Ẹ má ṣe kéde rẹ̀ ní Gátì;

Ẹ kò gbọ́dọ̀ sunkún rárá.

12 Torí, ohun rere ni àwọn* tó ń gbé ní Márótì ń retí,

Àmọ́ Jèhófà ti mú ohun tó burú wá sí ẹnubodè Jerúsálẹ́mù.

Ẹ̀yin lẹ mú kí ọmọbìnrin Síónì dẹ́ṣẹ̀,

Ẹ̀yin lẹ sì mú kí Ísírẹ́lì dìtẹ̀.+

Ẹ mú orí yín pá bíi ti ẹyẹ idì,

Torí wọ́n ti kó wọn kúrò lọ́dọ̀ yín lọ sí ìgbèkùn.”+

2 “Àwọn tó ń gbìmọ̀ ìkà gbé,

Tí wọ́n ń gbèrò ibi lórí ibùsùn wọn!

Nígbà tí ilẹ̀ mọ́, wọ́n ṣe ohun tí wọ́n gbèrò,

Torí pé agbára wọn ká a.+

 2 Oko olóko wọ̀ wọ́n lójú, wọ́n sì gbà á;+

Bẹ́ẹ̀ náà ni wọ́n gba ilé onílé;

Wọ́n fi jìbìtì gba ilé mọ́ onílé lọ́wọ́,+

Wọ́n gba ogún lọ́wọ́ ẹni tó ni ín.

 4 Ní ọjọ́ yẹn, àwọn èèyàn máa pa òwe fún yín,

Wọn á sì dárò lórí yín.+

 5 Torí náà, kò ní sí ẹnì kankan tó máa bá yín ta okùn,

Láti fi pín ilẹ̀ nínú ìjọ Jèhófà.

Kò yẹ kí wọ́n máa wàásù nípa àwọn nǹkan yìí;

Ojú kò ní tì wá!”

Ẹ bọ́ ohun ọ̀ṣọ́ tó gbayì àti ẹ̀wù* lọ́rùn àwọn èèyàn ní gbangba,

Lọ́rùn àwọn tó ń kọjá lọ tí ọkàn wọn sì balẹ̀ bí ẹni tó ń ti ogun bọ̀.

 9 Ẹ lé àwọn obìnrin àwọn èèyàn mi kúrò nínú ilé tí wọ́n fẹ́ràn;

Ògo tí mo fún àwọn ọmọ wọn lẹ gbà lọ́wọ́ wọn títí láé.

12 Ẹ̀yin ilé Jékọ́bù, èmi yóò kó gbogbo yín jọ;

Ó dájú pé màá kó àwọn tó ṣẹ́ kù ní Ísírẹ́lì jọ.+

Màá mú kí wọ́n wà ní ìṣọ̀kan, bí àgùntàn ní ilé ẹran,

Bí agbo ẹran ní pápá ìjẹko wọn;+

Ariwo àwọn èèyàn máa gba ibẹ̀ kan.’+

13 Ẹni tó ń la ọ̀nà yóò lọ ṣáájú wọn;

Wọ́n á la ọ̀nà, wọ́n á gba ẹnubodè kọjá, wọ́n á sì gba ibẹ̀ jáde.+

Ọba wọn yóò ṣáájú wọn,

Jèhófà yóò sì ṣe olórí wọn.”+

3 Mo sọ pé: “Ẹ jọ̀ọ́ ẹ gbọ́, ẹ̀yin olórí ilé Jékọ́bù

Àti ẹ̀yin aláṣẹ ilé Ísírẹ́lì.+

 2 Àmọ́ ẹ kórìíra ohun rere,+ ẹ sì fẹ́ràn ohun búburú;+

Ẹ bó àwọn èèyàn mi láwọ, ẹ sì ṣí ẹran kúrò lára egungun wọn.+

 3 Ẹ tún jẹ ẹran ara àwọn èèyàn mi,+

Ẹ sì bó wọn láwọ,

Ẹ fọ́ egungun wọn, ẹ sì rún un sí wẹ́wẹ́,+

Bí ohun tí wọ́n sè nínú ìkòkò,* bí ẹran nínú ìkòkò oúnjẹ.

 4 Ní àkókò yẹn, wọ́n á ké pe Jèhófà pé kó ran àwọn lọ́wọ́,

Àmọ́ kò ní dá wọn lóhùn.

Ó máa fi ojú rẹ̀ pa mọ́ fún wọn ní àkókò yẹn,+

Torí ìwà burúkú wọn.+

 5 Ohun tí Jèhófà sọ nìyí nípa àwọn wòlíì tó ń ṣi àwọn èèyàn mi lọ́nà,+

Tí wọ́n ń kéde ‘Àlàáfíà!’+ nígbà tí wọ́n bá ń rí nǹkan jẹ,*+

Àmọ́ tí wọ́n ń gbógun ti* ẹni tí kò fún wọn ní nǹkan kan jẹ:

 6 ‘Ilẹ̀ máa ṣú lọ́dọ̀ yín;+ kò ní sí ìran;+

Òkùnkùn nìkan lẹ máa rí, ẹ kò ní lè woṣẹ́.

Oòrùn yóò wọ̀ lórí àwọn wòlíì,

Ojúmọmọ yóò sì ṣókùnkùn fún wọn.+

 7 Ojú máa ti àwọn tó ń rí ìran,+

Ìjákulẹ̀ sì máa bá àwọn woṣẹ́woṣẹ́.

Gbogbo wọn máa bo ẹnu* wọn,

Torí pé Ọlọ́run kò ní dá wọn lóhùn.’”

 8 Ní tèmi, ẹ̀mí Jèhófà ti fún mi ní agbára,

Ó ti jẹ́ kí n lè ṣe ìdájọ́ òdodo, ó sì ti fún mi lókun,

Kí n lè sọ fún Jékọ́bù nípa ọ̀tẹ̀ tó dì, kí n sì sọ ẹ̀ṣẹ̀ Ísírẹ́lì fún un.

 9 Ẹ jọ̀ọ́, ẹ gbọ́ ọ̀rọ̀ yìí, ẹ̀yin olórí ilé Jékọ́bù

Àti ẹ̀yin aláṣẹ ilé Ísírẹ́lì,+

Tí ẹ kórìíra ìdájọ́ òdodo, tí ẹ sì ń yí gbogbo ọ̀rọ̀ po,+

10 Ẹ̀yin tí ẹ̀ ń fi ìtàjẹ̀sílẹ̀ kọ́ Síónì, tí ẹ sì ń fi àìṣòdodo kọ́ Jerúsálẹ́mù.+

11 Àwọn olórí* rẹ̀ ń gba àbẹ̀tẹ́lẹ̀ kí wọ́n tó dájọ́,+

Àwọn àlùfáà rẹ̀ ń gba owó kí wọ́n tó kọ́ni,+

Àwọn wòlíì rẹ̀ ń gba owó* kí wọ́n tó woṣẹ́.+

12 Nítorí yín,

Wọ́n á túlẹ̀ Síónì bíi pápá,

Jerúsálẹ́mù á di àwókù,+

Òkè Ilé* náà á sì dà bí àwọn ibi gíga nínú igbó.*+

4 Ní apá ìgbẹ̀yìn àwọn ọjọ́,*

Òkè ilé Jèhófà+

Máa fìdí múlẹ̀ gbọn-in sórí àwọn òkè,

A sì máa gbé e ga ju àwọn òkè kéékèèké lọ,

Àwọn èèyàn á sì máa rọ́ lọ síbẹ̀.+

“Ẹ wá, ẹ jẹ́ ká lọ sórí òkè Jèhófà,

Sí ilé Ọlọ́run Jékọ́bù.+

Ó máa kọ́ wa ní àwọn ọ̀nà rẹ̀,

A ó sì máa rìn ní àwọn ọ̀nà rẹ̀.”

Torí òfin* máa jáde láti Síónì,

Ọ̀rọ̀ Jèhófà sì máa jáde láti Jerúsálẹ́mù.

 3 Ó máa ṣe ìdájọ́ láàárín ọ̀pọ̀ èèyàn,+

Ó sì máa yanjú* ọ̀rọ̀ àwọn orílẹ̀-èdè alágbára tí ọ̀nà wọn jìn.

Wọ́n máa fi idà wọn rọ ohun ìtúlẹ̀,

Wọ́n sì máa fi ọ̀kọ̀ wọn rọ ohun ìrẹ́wọ́ ọ̀gbìn.+

Àwọn orílẹ̀-èdè kò ní yọ idà sí ara wọn mọ́,

Wọn ò sì ní kọ́ṣẹ́ ogun mọ́.+

 4 Kálukú wọn máa jókòó* lábẹ́ àjàrà rẹ̀ àti lábẹ́ igi ọ̀pọ̀tọ́ rẹ̀,+

Ẹnì kankan ò sì ní dẹ́rù bà wọ́n,+

Torí Jèhófà Ọlọ́run àwọn ọmọ ogun ló fi ẹnu ara rẹ̀ sọ ọ́.

 5 Gbogbo èèyàn yóò máa rìn ní orúkọ ọlọ́run wọn,

Àmọ́ àwa yóò máa rìn ní orúkọ Jèhófà Ọlọ́run wa+ títí láé àti láéláé.

 6 Jèhófà kéde pé, “Ní ọjọ́ yẹn,

Èmi yóò kó ẹni* tó ń tiro jọ,

Èmi yóò sì kó ẹni tó ti fọ́n ká jọ,+

Pẹ̀lú àwọn tí mo ti fìyà jẹ.

 7 Èmi yóò mú kí ẹni* tó ń tiro ṣẹ́ kù,+

Èmi yóò sì sọ ẹni tí wọ́n ti mú lọ sí ọ̀nà tó jìn di orílẹ̀-èdè alágbára;+

Jèhófà yóò sì jọba lé wọn lórí ní Òkè Síónì,

Láti ìsinsìnyí lọ àti títí láé.

 8 Ní ti ìwọ ilé gogoro tí agbo ẹran wà,

Òkìtì ọmọbìnrin Síónì,+

Ìjọba àkọ́kọ́* yóò wá sọ́dọ̀ rẹ, àní yóò wá,+

Ìjọba ọmọbìnrin Jerúsálẹ́mù.+

Ṣé o kò ní ọba ni,

Àbí ẹni tó ń gbà ọ́ nímọ̀ràn ti ṣègbé,

Tí ara fi ń ro ọ́, bí obìnrin tó ń rọbí?+

10 Máa yí nínú ìrora, ọmọbìnrin Síónì, kí o sì kérora,

Bí obìnrin tó ń rọbí,

Torí o máa kúrò ní ìlú, wàá sì lọ gbé ní pápá.

O máa lọ jìnnà dé Bábílónì,+

Ibẹ̀ ni wàá ti rí ìdáǹdè;+

Ibẹ̀ ni Jèhófà yóò ti rà ọ́ pa dà lọ́wọ́ àwọn ọ̀tá rẹ.+

11 Ọ̀pọ̀ orílẹ̀-èdè máa kóra jọ láti dojú ìjà kọ ọ́;

Wọ́n á sọ pé, ‘Ẹ jẹ́ kó di aláìmọ́,

Ká sì fi ojú wa rí bí èyí ṣe máa ṣẹlẹ̀ sí Síónì.’

12 Àmọ́ wọn ò mọ ohun tí Jèhófà ń rò,

Wọn ò sì mọ ohun tó ní lọ́kàn;*

Torí ó máa tò wọ́n jọ bí ọkà tí wọ́n ṣẹ̀ṣẹ̀ gé sílẹ̀ níbi ìpakà.

13 Dìde, kí o sì pakà, ìwọ ọmọbìnrin Síónì;+

Torí èmi yóò sọ ìwo rẹ di irin,

Màá sọ àwọn pátákò rẹ di bàbà,

Ìwọ yóò sì pa ọ̀pọ̀ èèyàn run.+

Ìwọ yóò fún Jèhófà ní ohun tí wọ́n fi èrú kó jọ,

Ìwọ yóò sì fún Olúwa gbogbo ilẹ̀ ayé ní àwọn ohun àmúṣọrọ̀ wọn.”+

5 “Ò ń fi nǹkan ya ara rẹ,

Ìwọ ọmọbìnrin tí wọ́n gbógun tì;

Wọ́n ti pàgọ́ tì wá.+

 2 Ìwọ Bẹ́tílẹ́hẹ́mù Éfúrátà,+

Ìwọ tó kéré jù láti wà lára àwọn ẹgbẹẹgbẹ̀rún* Júdà,

Inú rẹ ni ẹni tí mo fẹ́ kó ṣàkóso Ísírẹ́lì ti máa jáde wá,+

Ẹni tó ti wà láti ìgbà àtijọ́, láti àwọn ọjọ́ tó ti pẹ́.

 3 Torí náà, ó máa yọ̀ǹda wọn

Títí di àkókò tí ẹni tó fẹ́ bímọ fi máa bímọ.

 4 Ó máa dìde dúró, Jèhófà yóò sì fún un lókun láti ṣe olùṣọ́ àgùntàn,+

Nípasẹ̀ orúkọ ńlá Jèhófà Ọlọ́run rẹ̀.

Ààbò yóò sì wà lórí wọn,+

Torí àwọn èèyàn máa mọ̀ ní gbogbo ìkángun ayé pé ó tóbi lọ́ba.+

Tí àwọn ará Ásíríà bá gbógun tì wá, tí wọ́n sì tẹ àwọn ilé gogoro wa tó láàbò mọ́lẹ̀,+

A máa rán olùṣọ́ àgùntàn méje sí wọn, àní àwọn ìjòyè* mẹ́jọ látinú aráyé.

 6 Wọ́n á fi idà ṣe olùṣọ́ àgùntàn ilẹ̀ Ásíríà,+

Àti níbi àbáwọ ilẹ̀ Nímírọ́dù.+

 7 Láàárín ọ̀pọ̀ èèyàn, àwọn tó ṣẹ́ kù ní ilé Jékọ́bù

Máa dà bí ìrì láti ọ̀dọ̀ Jèhófà,

Bí ọ̀wààrà òjò lórí ewéko,

Tí kì í retí èèyàn

 8 Àwọn tó ṣẹ́ kù ní ilé Jékọ́bù máa wà láàárín àwọn orílẹ̀-èdè,

Láàárín ọ̀pọ̀ èèyàn,

Bíi kìnnìún láàárín àwọn ẹran inú igbó,

Bí ọmọ kìnnìún* láàárín agbo àgùntàn,

Tó kọjá, tó bẹ́ mọ́ ẹran, tó sì fà á ya pẹ́rẹpẹ̀rẹ;

Kò sì sí ẹni tó lè gbà wọ́n sílẹ̀.

 9 Ọwọ́ yín máa lékè àwọn elénìní yín,

Gbogbo ọ̀tá yín sì máa pa run.”

10 Jèhófà kéde pé: “Ní ọjọ́ yẹn,

Màá pa àwọn ẹṣin yín run láàárín yín, màá sì pa àwọn kẹ̀kẹ́ ẹṣin yín run.

11 Màá run àwọn ìlú tó wà ní ilẹ̀ yín,

Màá sì wó gbogbo ibi olódi yín lulẹ̀.

12 Màá fòpin sí iṣẹ́ oṣó tí ẹ̀ ń ṣe,*

Kò sì ní sí onídán kankan láàárín yín mọ́.+

13 Màá run àwọn ère gbígbẹ́ àti àwọn ọwọ̀n yín kúrò láàárín yín,

Ẹ kò sì ní forí balẹ̀ fún iṣẹ́ ọwọ́ yín mọ́.+

14 Màá fa àwọn òpó òrìṣà*+ yín tu,

Màá sì run àwọn ìlú yín.

Ẹ dìde, ẹ gbé ẹjọ́ yín lọ síwájú àwọn òkè,

Kí àwọn òkè kéékèèké sì gbọ́ ohùn yín.+

 2 Ẹ gbọ́ ẹjọ́ Jèhófà, ẹ̀yin òkè

Àti ẹ̀yin ìpìlẹ̀ ayé tó fìdí múlẹ̀,+

Torí Jèhófà fẹ́ pe àwọn èèyàn rẹ̀ lẹ́jọ́;

Yóò sì bá Ísírẹ́lì ro ẹjọ́ pé:+

 4 Mo mú yín kúrò ní ilẹ̀ Íjíbítì,+

Mo rà yín pa dà lóko ẹrú;+

Mo rán Mósè, Áárónì àti Míríámù sí yín.+

 5 Ẹ̀yin èèyàn mi, ẹ jọ̀ọ́, ẹ rántí ohun tí Bálákì ọba Móábù gbèrò+

Àti ohun tí Báláámù ọmọ Béórì fi dá a lóhùn.+

Ẹ rántí ohun tó ṣẹlẹ̀ láti Ṣítímù+ títí dé Gílígálì,+

Kí ẹ lè mọ̀ pé òdodo ni Jèhófà ń ṣe.”

Ṣé odindi ẹbọ sísun ni màá gbé wá síwájú rẹ̀,

Àwọn ọmọ màlúù ọlọ́dún kan?+

 7 Ṣé inú Jèhófà máa dùn sí ẹgbẹẹgbẹ̀rún àgbò,

Sí ẹgbẹẹgbàárùn-ún ìṣàn òróró?+

Ṣé màá fi àkọ́bí mi ọkùnrin rúbọ torí ọ̀tẹ̀ tí mo dì,

Àbí màá fi èso ikùn mi rúbọ torí ẹ̀ṣẹ̀ mi?*+

Bí kò ṣe pé kí o ṣe ìdájọ́ òdodo,*+ kí o mọyì jíjẹ́ adúróṣinṣin,*+

Kí o sì mọ̀wọ̀n ara rẹ+ bí o ṣe ń bá Ọlọ́run rẹ rìn!+

 9 Àwọn èèyàn ìlú náà gbọ́ ohùn Jèhófà;

Àwọn tó ní ọgbọ́n tó gbéṣẹ́ yóò bẹ̀rù orúkọ rẹ.

10 Ṣé àwọn ìṣúra tí wọ́n fi ìwà ìkà kó jọ ṣì wà nílé ẹni burúkú

Àti òṣùwọ̀n eéfà* tí kò péye tó ń ríni lára?

11 Ṣé mo lè sọ pé ìwà* mi mọ́ tí mo bá ń lo òṣùwọ̀n èké

Àti àpò ayédèrú òkúta òṣùwọ̀n?+

12 Ìwà ipá kún ọwọ́ àwọn ọlọ́rọ̀ rẹ̀,

Òpùrọ́ ni àwọn tó ń gbé inú rẹ̀;+

Ahọ́n wọn ń tanni jẹ.+

13 “Torí náà, màá lù ọ́, màá sì ṣe ọ́ léṣe;+

Màá sọ ọ́ di ahoro torí àwọn ẹ̀ṣẹ̀ rẹ.

14 Wàá jẹun àmọ́ o ò ní yó,

Inú rẹ máa ṣófo.+

Tí o bá tiẹ̀ rí nǹkan kó, o ò ní lè kó o lọ,

Tí o bá sì rí i kó lọ, màá fi í fún idà.

Wàá tẹ ólífì, àmọ́ o ò ní lo òróró rẹ̀;

Wàá ṣe wáìnì tuntun, àmọ́ o ò ní rí wáìnì mu.+

16 Torí ò ń tẹ̀ lé òfin Ómírì àti gbogbo ohun tí wọ́n ṣe ní ilé Áhábù,+

O sì ń tẹ̀ lé ìmọ̀ràn wọn.

Ìdí nìyẹn tí màá fi mú kí o di ohun tó ń bani lẹ́rù,

Àwọn tó ń gbé ibẹ̀ yóò sì di ohun àrísúfèé;+

Àwọn èèyàn yóò sì fi ọ́ ṣẹ̀sín.”+

Kò rí àwọn èso àjàrà jẹ,

Tí kò sì rí àkọ́so ọ̀pọ̀tọ́ tó wù ú* jẹ,

Lẹ́yìn tí wọ́n kó èso ìgbà ẹ̀ẹ̀rùn jọ,

Tí wọ́n sì ti pèéṣẹ́* lẹ́yìn ìkórè èso àjàrà.

 2 Adúrótini ti tán* ní ayé;

Kò sí olódodo kankan láàárín àwọn èèyàn.+

 3 Wọ́n mọ iṣẹ́ ibi ṣe dáadáa;+

Olórí ń béèrè nǹkan lọ́wọ́ àwọn èèyàn,

Adájọ́ ń béèrè àbẹ̀tẹ́lẹ̀,+

Gbajúmọ̀ ń sọ ohun tó fẹ́,*+

Wọ́n sì jọ gbìmọ̀ pọ̀.*

 4 Ẹni tó dáa jù nínú wọn dà bí ẹ̀gún,

Ẹni tó jẹ́ olóòótọ́ jù láàárín wọn burú ju ọgbà ẹlẹ́gùn-ún lọ.

 5 Má ṣe gbára lé ẹnì kejì rẹ,

Má sì gbẹ́kẹ̀ lé ọ̀rẹ́ rẹ tímọ́tímọ́.+

 6 Torí ọmọkùnrin ń tàbùkù sí bàbá rẹ̀,

Ọmọbìnrin ń bá ìyá rẹ̀ jà,+

Ìyàwó ń gbógun ti ìyá ọkọ rẹ̀;+

Ará ilé ẹni ni ọ̀tá ẹni.+

Bó tilẹ̀ jẹ́ pé mo ti ṣubú, màá dìde;

Bí mo tiẹ̀ wà nínú òkùnkùn, Jèhófà yóò jẹ́ ìmọ́lẹ̀ mi.

 9 Èmi yóò fara da ìbínú Jèhófà,

Títí yóò fi gbèjà mi tí yóò sì dá mi láre,

Torí mo ti ṣẹ̀ ẹ́.+

Yóò mú mi wá sínú ìmọ́lẹ̀;

Èmi yóò rí òdodo rẹ̀.

10 Ọ̀tá mi pẹ̀lú yóò rí i,

Ojú yóò sì ti ẹni tó ń sọ fún mi pé:

11 Ọjọ́ yẹn ni wọ́n máa mọ ògiri olókùúta rẹ;

Ní ọjọ́ yẹn, wọ́n máa sún ààlà síwájú.*

Láti Ásíríà lọ́hùn-ún lọ́hùn-ún àti láti àwọn ìlú Íjíbítì,

Láti Íjíbítì títí lọ dé Odò;*

Láti òkun dé òkun àti láti òkè dé òkè.+

13 Ilẹ̀ náà yóò sì di ahoro torí àwọn tó ń gbé ibẹ̀,

Nítorí ohun tí wọ́n ṣe.*

14 Fi ọ̀pá rẹ ṣe olùṣọ́ àgùntàn àwọn èèyàn rẹ, agbo ẹran tó jẹ́ ogún rẹ,+

Tó ń dá gbé inú igbó, láàárín ọgbà eléso.

15 “Màá fi àwọn ohun àgbàyanu hàn án,+

Bíi ti ìgbà tí ẹ kúrò ní ilẹ̀ Íjíbítì.

Wọ́n á fi ọwọ́ bo ẹnu;

Etí wọn á di.

17 Wọ́n á lá erùpẹ̀ bí ejò;+

Wọ́n á máa gbọ̀n rìrì bí wọ́n ṣe ń jáde látinú ibi ààbò wọn bí àwọn ẹran tó ń fàyà fà.

Wọ́n á wá sọ́dọ̀ Jèhófà Ọlọ́run wa pẹ̀lú ìbẹ̀rù,

Ẹ̀rù rẹ yóò sì bà wọ́n.”+

18 Ta ló dà bí rẹ, Ọlọ́run,

Tó ń dárí ẹ̀ṣẹ̀ jini, tó sì ń gbójú fo ìṣìnà+ àwọn tó ṣẹ́ kù nínú ogún rẹ̀?+

Kò ní máa bínú lọ títí láé,

Torí inú rẹ̀ máa ń dùn sí ìfẹ́ tí kì í yẹ̀.+

20 O máa jẹ́ olóòótọ́ sí Jékọ́bù,

Ìfẹ́ tí o ní sí Ábúráhámù kò ní yẹ̀,

Bí o ṣe búra fún àwọn baba ńlá wa láti ìgbà àtijọ́.+