Gbọ́, Ṣègbọràn, Kó O sì Gba Ìbùkún

1. Aláyọ̀ làwọn tó ń gbọ́rọ̀ Ọlọ́run,

Tí wọ́n ń fetí sẹ́kọ̀ọ́ Jésù Kristi;

Ìbàlẹ̀ ọkàn, ìdùnnú, àlàáfíà,

Yóò jẹ́ tàwọn tó bá jónígbọràn.

2. Tá a bá jẹ́ onígbọràn sí Ọlọ́run,

Ìgbésí ayé wa yóò dára gan-an.

Ó máa dà bí ilé orí àpáta

Tó lágbára, tó sì fìdí múlẹ̀.

3. Tí a bá fetí sí ohùn Jèhófà,

Tá à ń tẹ̀ lé àṣẹ àti ‘lànà rẹ̀,

A máa dà bí igi tá a gbìn sétídò,

Tó ń so èso rẹ̀ lákòókò tó yẹ.