Yosua
12 Amimi miawu mintinu basi Isaeli banunga, miaba kalanga mu bibuangu bidi ku khonzu leste yi muila wu Yolidani, kutonina ku ḿbuinga wu Arnon nate ku Mongo wu Hermo ayi ku khonzu yoso yi leste yi Arabá: 2 Siom ntinu wu zi amorreu, waba kalanga ku Hesbom ayi waba yadila kutona ku Aroer kizunga kidi va ndeku ḿbuinga wu Arnom, kutonina vana khati ḿbuinga ayi ndambu yi kizunga ki Ngileadi, nate mu ḿbuinga wu Jaboki vadi ndilu na ntoto wu zi amorreu. 3 Nandi mvandi waba yadilanga kizunga ki Arabá nate ku khonzu leste wu ḿbu wu Kinereti kubunda mvandi khonzu leste yi ḿbu wu Arabá, Mar Salgado ku khonzu Bete-Jesimoti ayi ku sul vawanda mongo wu Pisga.
4 Basi Isaeli mvandi bavua kizunga ki Ogue ntinu wu Bazan, wumueka mu zi Refaim waba kalanga ku Astaroti ayi ku Edrei 5 ayi waba yadila kizunga ki Mongo wu Hermom ku Salká ayi kizunga kioso ki Bazan nate ku zindilu zi Gezurita ayi ki zi makatita, kubunda mvandi mua ndambu kizunga ki Ngileadi nate kizunga ki Siom ntinu wu Hesbom.
6 Mose kisadi ki Yave va kimueka na masodi ma Isaeli baba nunga. Bosi Mose kisadi ki Yave wuvana ntotoꞌawu kuidi mvila wu Rubem, wu Gadi ayi ndambu mvila wu Manase.
7 Amimi miawu mintinu miaba kalanga ku ntoto Yosua ayi masodi ma Isaeli banunga ku khonzu oeste yi muila wu Yolidani, kutonina ku Baal-Gadi ḿbuinga wu Libanu nate ku Mongo Halaki wunkuenda ku khonzu Seir. Bawu baba yadilanga bibuangu bio Yosua kavana kuidi mimvila mi Isaeli muingi biba kiuka kiawu, 8 kizunga kidi miongo ku Sefelá, ku Arabá, mu miongo, ku thandu ayi ku Neguebe—ntoto wu zi hitita, wu zi amorreu, wu basi Kanani, wu zi perizeu, wu zi heveu ayi wu zi jebuzeu:
9 Ntinu wumueka wu Yeliko, ntinu wumueka wu Ai divula diba ku khonzu Beteli.
10 Ntinu wumueka wu Yelusalemi, ntinu wumueka wu Hebrom.
11 Ntinu wumueka wu Jarmuti, ntinu wumueka wu Lakis.
12 Ntinu wumueka wu Eglom, ntinu wumueka wu Gezer.
13 Ntinu wumueka wu Debir, ntinu wumueka wu Geder.
14 Ntinu wumueka wu Hormá, ntinu wumueka wu Aradi.
15 Ntinu wumueka wu Libna, ntinu wumueka wu Adulão.
16 Ntinu wumueka wu Makedá, ntinu wumueka wu Beteli.
17 Ntinu wumueka wu Tapua, ntinu wumueka wu Héfer.
18 Ntinu wumueka wu Afeki, ntinu wumueka wu Lazarom.
19 Ntinu wumueka wu Madom, ntinu wumueka wu Hazor.
20 Ntinu wumueka wu Sinrom-Merom, ntinu wumueka wu Acsafe.
21 Ntinu wumueka wu Taanaki, ntinu wumueka wu Megido.
22 Ntinu wumueka wu Kedes, ntinu wumueka wu Jokneam, kibuangu kidi ku Karmelu.
23 Ntinu wumueka wu Dor, kibuangu kidi mu miongo mi Dor, ntinu wumueka wu Goim, kibuangu kidi ku Gilgal.
24 Ntinu wumueka wu Tirza. Thalu yoso mu bawu yiba 31 di mintinu.