23 NGONDA YIMMUADI–1 NGONDA YINTATU

YESAYA 38–40

Nkunga 4 ayi Nsambu | Tubila Mambu Tuanlonguka (min. 1)

KIUKA KIDI MU DIAMBU DI NZAMBI

Mu luzolo, nsungi mamemi wumbumbakana dimemi diandi. — Mu luzolo, nsungi mamemi widi musi Isaeli, wumbumbakana dimemi diandi

1. ‘Wala Tukieba Banga Nsungi Wukieba Mamemi Mandi’

(10 min.)

Yave wusadila ayi wukieba Kibibila Diambu diandi muingi kutu fikika kuidi nandi (Yesa. 40:8; w23.02 2-3 ¶3-4)

Nandi wutu kiebanga (Yesa. 40:11; cl 70 ¶7)

Nandi wutuzebi ayi wutu sadisanga bo tumviokilanga mu mambu maphasi (Yesa. 40:26-29; w18.01 8 ¶4-6)

Bakulutu buadi ba kimvuka, babe kuetala khomba mueka yinkietu ayi bana bandi, ku nzo’awu.

MUINGI KUYINDULA: Buidi mambu madi mu Yesaya 40:11 mantubila matedi nsungi wu mamemi, ma kufikikila kuidi Yave?

2. Kiuka Kisuama

(10 min.)

Yesa. 40:3—Buidi mbikudulu ayiyi yisalimina mu thangu yikhulu? (ip-1 400 ¶7)

Mvutu′aku
Ndandu mbi wubeki mu matangu ma Kibibila ma sabala ayiyi wutidi kutubila?

Mvutu′aku

3. Matangu ma Kibibila

(min. 4) Yesa. 40:21-31 (th dilongi 11)

PISUKA MU KISALU KI KUSAMUNA

4. Kutona Masolo

(min. 2) KIMBANGI MU KHAMBU BA MU KISALU KI KUSAMUNA. Tomba luaku lu kuzabikisa kuidi mutu matedi mambu wulongukidi mu lukutukunu. (lmd dilongi 4 kinduika 3)

5. Kutona Masolo

(min. 2) KIMBANGI MU KHAMBU BA MU KISALU KI KUSAMUNA. Tomba luaku lu kuzabikisa kuidi mutu kisalu wumvanganga ki kulonga Kibibila. (lmd dilongi 4 kinduika 4)

6. Kutatamana Masolo

(min. 2) MU NZO KA NZO. (lmd dilongi 7 kinduika 5)

7. Vanga Minlonguki

(min. 5) lff dilongi 18 mbi ngie belonguka, vutukila mambu mamfunu, ayi makani mami. Sadila mambu madi mu “Tala mambu mankaka” muingi kusadisa nlonguki′aku kuvisa luzolo Zimbangi zi Yave badi mu nza yimvimba. (lmd dilongi 11 kinduika 3)

ZINGILA MU BUKLISTU

Nkunga 160

8. Kipholo ki Kisalu Tuvengi mu Mvu Woso

(15 min.) Disolo.

Bo wummana kutanga nkanda wumfumina ku Beteli matedi kipholo ki kisalu ki mvu wubedi, yuvula zikhomba mambu mbi mankaka mamboti babe longuka mu kipholo ki kisalu Zimbangi zi Yave bavengi mu nza yimvimba mu mvu 2025. Tumisa misamuni besola muingi bazabikisa bifuani bikhindusulu babeki mu kisalu ki kusamuna mu mvu wubedi.

Collage: Zikhomba ziwombo mu nza yimvimba, bambuela mioko kisalu ki kusamuna. 1. Khomba mueka yinkietu, widi mu kutuadisa ndongukulu yi Kibibila kuidi nkietu mueka, mu kusadila buku “Baka Mayangi ma Mvu ka Mvu.” 2. Bakuela bamueka bantanga Kibibila kuidi dibakala dimueka bo bansamuna mu nzo ka nzo. 3. Khomba mueka yinkietu wumvana kimbangi kuidi dibakala dimueka. 4. Bakuela bamueka bantanga Kibibila kuidi dibakala dimueka bo bansamuna mu nzo ka nzo. 5. Bakuela bamueka badi mu kutuadisa ndongukulu yi Kibibila kuidi dibakala dimueka mu kusadila mu buka Baka Mayangi ma Mvu ka Mvu. 6. Khomba mueka yinkietu wummonisa video kuidi nkietu mueka. 7. Bakuela bamueka badi mu kuvana kimbangi kuidi nkietu mueka mu mbembu yi mababa ayi ba kummonisa video. — Mu mvu 2025, dikabu di Yave batatama kusamuna mu nzo ka nzo ayi kutuadisa ndongukulu yi Kibibila

Mambu mbi mamboti bemona mu kipholo ki kisalu ki mvu 2025 wutidi kutubila?

Mvutu′aku

9. Ndongukulu yi Kibibila mu Kimvuka

(30 min.) lfb dilongi 64-65