Yindula mu Binongo bi Kibibila Wuntanga

Mu Kibibila muidi binongo biwombo, bilenda ku tulonga mambu mawombo mankinza. Befu kuyindula mambu tuntanga, tulenda luta kuma visa ayi kubakila mawu ndandu. Tala mua mambu malenda kusadisa kubuela baka ndandu mu binongo bi Kibibila.

• Tangila mu mbembu yinangama. Kutanga mu mbembu yinangama, kulenda kusadisa kubuela yindula mambu mammonika. Mu mbuongimini va dikanda, mulenda buela nyevisa matangu ma Kibibila, benu kukabana matangu ayi kadika mutu va dikanda katanga mambu ma mutu wumueka bantubila mu kinongo beni.

• Yindula mambu mammonika. Meka kuvisa mayindu ayi mabanza ma batu bantubila mu kinongo beni. Wulenda kuyikuvusa: ‘Kibila mbi mutu awuwu katubila voti kavangila mambu amama? Boti minu, khanu mbi yivanga voti yituba?’

• Fikula mambu mammonika. Kufikula mambu wuntanga, kulenda kusadisa kuyindula mambu mammonika ayi kusueka buboti mawu mu kilunzi. Bika kukuazuka boti wisinnunga ko kuvanga zifikula zimboti.