Mubongulu Malongi Madi mu Nzingulu ayi Kisalu Thuadusulu yi Lukutukunu
© 2025 Watch Tower Bible and Tract Society of Pennsylvania
2-8 NGONDA YINTATU
KIUKA KIDI MU DIAMBU DI NZAMBI YESAYA 41–42
‘Bika Kuba mu Boma’
Kibanga ki Nsungi ki Ngonda Yintanu, mvu 2025 tsielu 12 lutangu 13.)
Yave Wu Tusadisanga Kununga Boma
13 Yave wuvana basi Yuda baba mu buvika ku Babiloni, kivuvu kimboti ti bala basika mu buvika. Vayi nandi wuzaba ti diala ba diambu diphasi bo thangu beni yala fikama. Nandi wubikula ti vala monika ntinu wulutidi mangolo wala nuanisa ayi kuyadila mimvila mioso mizungidila Babiloni, bosi wala nuanisa divula di Babiloni. (Yesa. 41:2-5) Bukiedika ti vaba tombulu basi Yuda kuba mu boma? Yave wukindisa dikabu diandi mu kutuba: ‘Bika kumona boma, kibila minu yidi yaku. Bika kumona dibamu, kibila minu yidi Nzambi′aku.’ (Tanga Yesaya 41:10-13) Mbi nandi kaba tomba kutuba bo katuba ‘Minu yidi Nzambi′aku’? Nandi kasa tebula ko moyo basi Yuda muingi bambuongimina—kibila bawu bazaba ti mawu bafueti vanga. Vayi wuba tebula moyo ti wuba yawu muingi kuba sadisa.—Minku. 118:6.
ijwbv dilongi 5 lutangu 4-7
Yesaya 41:10—‘Bika Kumona Boma, Kibila Minu Yidi Yaku’
‘Minu Yidi Yaku.’ Yave wumvananga bibila kuidi bisadi biandi, muingi babika ba mu boma. Nandi kaba yekulanga ko. Nandi wummonanga mamoso bisadi biandi bamviokilanga ayi wunkuwanga minsambu miawu.—Minku. 34:15; 1 Pet. 3:12.
‘Minu yidi Nzamb′inu.’ Yave wumvumbikanga mabanza ma bisadi biandi, mu kuba tebula monyo ti widi Nzambi′awu ayi wunkikininanga mbuongimini′awu. Bisadi bi Nzambi balenda ba lufiatu ti, vasi ko ni kiuma kilenda tula nkaku kuidi Nzambi kuba sadisa.—Minku. 118:6; Lom. 8:32; Ebe. 13:6.
“Yala Kukindisa, Ngete, Yala Kusadisa, Yala Kusimba, mu Koko Kuama ku Lubakala ku Lunungu.” Yave wuvutukila dio diawu diyindu, khumbu zitatu, muingi kubuela lufiatu ti nandi wunkuiza sadisa bisadi biandi. Yave mvandi wusadila kifuani, muingi kumonisa mbi nandi kantombanga, bo mutu kantomba lusalusu luandi. Boti kisadi kiandi kimbua, Nzambi wunnonunanga koko kuandi ku lubakala, muingi kunsadisa kutelama.—Yesa. 41:13.
Yave wunsadilanga Diambu diandi Kibibila, muingi kusadisa ayi kukindisa bisadi biandi. (Yosua 1:8; Ebe. 4:12) Dedi, mu Kibibila muidi malongi mamboti ma tusadisanga kununga ayi kukindama mu mambu maphasi dedi, buphumbulu, bimbevu ayi lufua. (Zinga. 2:6, 7) Nzambi mvandi wumvananga phevi yinlongo kuidi bisadi biandi, muingi babaka mangolo mantombulu, ma kukindama mu mambu maphasi.— Yesa. 40:29; Luk. 11:13.
Kibanga ki Nsungi ki Ngonda 7, mvu 2016, tsielu 18 lutangu 4-5
‘Bika Kumona Boma. Minu Yala Kusadisa’
Bikuma abiobio, bilenda kutukindisa. Yindula mambu Yave kakamba ḿbikudi Yesaya. Mawu masinsundula ko ti ngie widi mu kudiata va kimueka na Yave ayi lube simbasana mioko. Vayi mu kutuba ti Yave wunsadila koko kuandi ku lubakala muingi kusimbidila koko kuaku ku lubakala, buka nandi widi mu kutitika mu dibulu muingi kusadisa. Ayi bo kamvanga mawu, nandi wu kukamba, ‘Bika mona boma. Minu yinkuiza kusadisa.’
Ngie wuntadilanga Yave Tata ayi nkundi wu luzolo? Ngie widi lufiatu ti nandi wunkuiza kusadisa ngie kuviokila mu mambu maphasi? Yave wu kuvuanga beni nkinza ayi wuntomba kusadisa. Ngie kuviokila mu mambu maphasi, Yave wuntomba ngie wuba nsika, kibila nandi wu kuzolanga beni. Nandi wu tuvana lusalusu lufueni mu thangu ziphasi.—Minku. 46:1.
Kiuka Kisuama
Kibanga ki Nsungi Kitheti ki Ngonda Kumi, mvu 2001, tsielu 20 lutangu 3
Mbi Binsundula kuba Wukuikama?
Yave wukamba kuidi nkundi′andi Abalahami: “Minu yidi nsungi′aku.” (Ngene. 15:1; Yesa. 41:8) Yave wudukisa mambu amomo. Nandi wukieba Abalahami ayi dikanda diandi, mu mioko mi Falawo ayi mi Abimeleki. Yave wusadisa Abalahami kuvukisa Lo mu mioko mi mintinu minna. Yave wusadisa Abalahami kubuta muana, kheti nandi wuba 100 di mimvu ayi nkietu′andi Sala wuba 90 di mimvu, muingi muana beni kadukisa lukanu lu Yave. Yave waba kolukanga beni na Abalahami, mu kusadila bimona mesu, zindosi ayi mu kumfila zimbasi. Bukiedika, Yave wumonisa lukuikumunu kuidi Abalahami, bika to bo nandi kaba wumonyo, vayi kheti bo vavioka mimvu miwombo tona nandi kafua. Buviokila thangu, Yave wudukisa zikhanu kavanga kuidi bana ba Abalahami, kheti bawu bambalukila khumbu ziwombo. Kikundi Yave kaba na Abalahami, kitumonisa ti muingi mutu kamonisa lukuikumunu lukiedika, kafueti monisa luzolo mu mavanga.—Ngenesi, kapu 12 nati 25.
9-15 NGONDA YINTATU
KIUKA KIDI MU DIAMBU DI NZAMBI YESAYA 43–44
Mbikudulu Yivioka Bivevi Biodi bi Mimvu Ava Kusalama
Baka Mayangi ma Mvu ka Mvu dilongi 3 kinduika 5
Kibibila Kibikula Mambu Mayiza Monika
Binongu bimmonisa ti Silu ntinu wu Pelesia ayi nkangu′andi wu masodi batulula Babiloni mu mvu 539 A.T.K. Bo bazibula nzila yinkaka muingi nlangu wu muila waba kakanga divula wudekuka, bawu bakota kuna kibila mielu miba mizibuka. Mu phila ayoyo, bawu basa mona ko phasi mu kutulula divula beni. Bubu va mavioka 2.500 di mimvu, ayi tulenda mona bivisa ti, divula di Babiloni dituluka.
Estudo Perspicaz vantuba“Ciro” lutangu 7
Silu
Bo Banunga Babiloni. Silu wuba wukubama muingi kunuanisa basi Babiloni ayi mu phila ayoyo nandi wudukisa zimbikudulu zi Kibibila. Mu mbikudulu yi Yesaya yitedi kubue tungisa Yelusalemi ayi Tempelu, bantanguna dizina di Silu ayi vammonisa ti Yave Nzambi wumvana kiyeku ki kutulula Babiloni ayi kuvukisa basi Yuda baba mu buvika ku Babiloni. (Yesa. 44:26–45:7) Kheti va vioka sekulu yimueka ayi ndambu ava Silu kayiza ba ntinu ayi kheti batulula divula di Yelusalemi mimvu miwombo ava Silu kabutuka, vayi Yave wutuba ti Silu wunkuiza ba nsungi wu mamemi mandi muingi kuvukisa basi Yuda. (Yesa. 44:28; dedikisa ayi Lom. 4:17) Bo katambula kiyeku ava kabutuka, diawu Kibibila kintedila Silu mutu Yave kasola. (Yesa. 45:1) Mu kuntedila mu dizina (Yesa. 45:4) kheti vaba khambu mimvu miwombo ava nandi kabutuka, masinsundula ko ti Yave nandi wumvana dizina adiodio bo kabutuka. Vayi mawu mansundula ti Yave wuzaba ti vala butuka dibakala dimueka wala ba dizina adiodio ayi nandi wala nsadila muingi kudukisa lukanu luandi.
Kibanga ki Nsungi ki Mvu 2022, Ngonda Yintatu, Tsielu 14 Lutangu 1
Ngie Wulenda Tatamana Kusadila Yave
BEFU tuidi lusakumunu luwombo mu kuba mu khati kimvuka ki Yave mu bilumbu abibi bitsuka. Kheti mambu mu nza madi mu kubuelama beni, vayi Yave wutuvana dikanda di kiphevi muidi zikhomba zi babakala ayi zi bakietu badi luzolo. (Minku. 133:1) Nandi wutusadisanga muingi tuba kithuadi kingolo mu dikanda beni. (Efe. 5:33–6:1) Mvandi wutuvananga nduenga ayi luzabu luntombulu muingi tubaka ndembama mu ntima.
Kiuka Kisuama
Kibanga ki Nsungi ki Ngonda 2, mvu 2024, tsielu 30 lutangu 8
Biuvu bi Mintangi
Yesaya 44:26–45:4 mvandi yintubila mbikudulu yitedi Silu muingi kukula basi Yuda baba mu buvika ayi kuba vana nsua muingi batunga Tempelu yi Yave. Silu Ntinu wu Pelesia wudukisa mbikudulu ayoyo. (Esala 1:1-4) Vayi, Silu kabasa buongiminanga ko Nzambi yikiedika. Kheti bobo Yave wusadila Silu muingi kadukisa mbikudulu ayoyo mu kumvana luaku lu kusola nani kankuiza buongimina.—Zinga. 21:1.
16-22 NGONDA YINTATU
KIUKA KIDI MU DIAMBU DI NZAMBI YESAYA 45–47
‘Minu Yidi Nzambi ayi Vasi ko Wunkaka Dedi Minu’
Kibanga ki Nsungi ki Ngonda 6, mvu 2020, tsielu 5 lutangu 14
“Yave Wumvedisa Dizina Diandi”
14 Satana wuvanga mamoso kanunga muingi kuvunzikisa lukanu lu Yave. Vayi nandi kasa nunga ko. Kibibila kimmonisa mbi Yave kavanga ayi kiawu kimvana kivisa ti vasi ko mutu wundedakana na Yave. Bukiedika, mambu Satana kamvanga ayi badi ku khonzu′andi manyongisa beni Yave. (Minkunga 78:40) Vayi nandi wununga kiunda akiokio mu nduenga, mu mvibudulu ayi mu busonga. Nandi mvandi wumonisa mangolo mandi mu ziphila ziwombo. Kibila luzolo, luawu luntuadisanga mamoso kamvanganga. (1 Yoane 4:8) Yave wumvanganga mambu mawombo muingi kudiodisa dizina diandi.
Kibanga ki Nsungi ki Ngonda Yinsambanu, mvu 2025, tsielu 18 lutangu 15
“Tulendi Visa ko nati kitesu mbi Yave ka tuzabidi”
15 Kheti tusa zaba ko mambu mala ba yono, vayi befu tuzebi ti Yave wu tukanikisa luzingu lu mvu ka mvu. Tuzebi ti vasi ko ni kiuma kilenda ntula nkaku kudukisa mambu kakanikisa. (Titu 1:2) Nandi to kalenda tuba mambu mala monika kuntuala. (Yesa. 46:10) Mvandi befu tuzebi ti vasi ko ni kiuma kilenda tula nkaku luzolo Yave kadi mu befu. (Lom. 8:35-39) Nandi wu tuvananga nduenga, mbombolo ayi mangolo muingi tukindama mu moso kua mambu maphasi tulenda viokila mu luzingu. Tulenda ba lufiatu ti Yave wala tatamana ku tusadisa ayi kutu sakumuna.—Yele. 17:7, 8.
Kibanga ki Nsungi ki Ngonda Yivua, mvu 2024, tsielu 11 lutangu 13-14
Nkanda Wulenda Tusadisa Kutatamana Bakuikama Nati Kutsuka
13 Bo baba vingila kidimbu kumonika muingi batina, vaba tombulu Baklistu basi Ebeleo batatamana kunata luzingu lu khambulu kikhafi ayi kubika ba “luzolo mu zimbongo.” (Tanga Ebeleo 13:5) Bankaka mu bawu baviokila mu mambu ma nzala ayi ma kukambu ku zimbongo. (Ebe. 10:32-34) Kheti baba bakubama muingi kununga zikhuamusu mu kibila ki zitsangu zimboti, ḿba bankaka batona kukivana beni muingi kubaka zimbongo ziwombo muingi babaka lukiebo mu thangu ziphasi. (Tia. 5:3) Diawu boti baba luzolo mu biuma bi nza, khanu bamona phasi kutina ayi kubika biuma biawu bioso.
14 Befu tuala manga kuzola biuma bi nza ayiyi, befu kuba kiminu kingolo. Tsukulu nza ayiyi yima fikama. Mu kibila akiokio batu ‘bala loza palat′awu mu nzila’ kibila bawu bala zaba ti ‘Ne palat′awu voti wol′awu yala kuba vukisa mu kilumbu ki nganzi yi Yave’. (Yehe. 7:19) Diawu, tulendi kukivana ko muingi kukona zimbongo ziwombo vayi tufueti baka makani mala tusadisa kunata luzingu lu khambu kikhafi luala tusadisa kusadila Yave. Tufueti ba keba keba muingi tubika kota mu zipholo mu khambu kibila voti kusadila thangu yiwombo muingi tubaka ayi kukieba biuma tuidi. Mvandi tufueti ba keba keba muingi tubika zola beni biuma tuidi. (Mat. 6:19, 24) Bo tukue fikamanga kutsuka nza ayiyi, kiminu kitu kilenda thoto mu mambu matedi biuma bi nza voti mu mambu mankaka.
Kiuka Kisuama
Kibanga ki Nsungi Kitheti ki Ngonda Yitheti, mvu 2011 tsielu 14 lutangu 2-3
Yave Wuzaba Tona Vana Thonono ti Adami ayi Eva Bankuiza Sumuka?
Kibibila mvandi kimmonisa ti Yave nandi mutu wulutidi nduenga. (Lom. 16:27) Zimbasi bammonanga bivisa ti Yave widi nduenga yiwombo. Bawu babula makanda bo Yave kavanga biuma bioso va ntoto. (Yobi 38:4-7) Bukiedika, bawu mvawu bamona bo Yave kaba vanga Lumbu lu Edeni. Diawu vasi ko tsundu kuyindula ti bo Nzambi kamana kuvanga nza ayi biuma bioso bidi va ntoto, wuvanga mvandi batu buadi kheti Nandi wuzaba ti batu beni bankuiza sumuka.
Vayi kheti bobo, bankaka ba yikuvusanga: Boti Nzambi widi nduenga yiwombo, kibila mbi kasa zabila ko ti mawu mankuiza monika? Bukiedika, Yave widi nduenga yiwombo ayi mu kibila ki nduenga beni, nandi wunzabanga thonono ayi tsukulu yi mambu. (Yesa. 46:9, 10) Vayi nandi kasadilanga ko mangolo mandi ma kuzaba thonono ayi tsukulu yoso kuandi thangu. Mu nduenga Nandi wumvanganga to mawu va kutombulu ayi na kumona ti kuvanga mawu kuidi tsundu.
23-29 NGONDA YINTATU
KIUKA KIDI MU DIAMBU DI NZAMBI YESAYA 48–49
Ndandu Tulenda Baka mu Kulonguka ayi Kusadila Malongi ma Yave
Estudo Pespicaz vantuba “Instrutor, Ensino” Lutangu 2
Instrutor, Ensino
Yave Nzambi, Mvangi, nandi nlongisi wulutidi, voti nlongisi wu bisadi biandi. (1 Minti. 8:36; Minku. 27:11; 86:11; 119:102; Yesa. 30:20; 54:13) Bivangu biandi bi tumonisa ti vadi Nzambi widi nduenga yiwombo ayi kheti tumana longuka mambu mawombo mu nzila bivangu, vadi mambu mankaka mawombo tulenda longuka mu biawu. (Yobi 12:7-9) Mvandi, mu nzila zindosi ayi bimona meso, Yave Nzambi mana longa batu matedi minsiku miandi, zinzila ziandi ayi zikhanu ziandi. (Dedikisa ayi Mba 4:12, 15; 24:12; 34:5-7.) Mambu amomo madi mu Diambu di Nzambi Kibibila ma tusadisa kuvisa malongi ma Yave ayi luzolo luandi. (Lom. 15:4; 2 Ti. 3:14-17) Phevi yinlongo mvandi yi tusadisanga kulonguka matedi nandi.—Yoa. 14:26.
ijwbq dilongi 44 lutangu 2-3
Mbi Kibibila Kintuba Matedi Luaku lu Kusola? Bukiedika ti Nzambi Wusikika Buidi Luzingu Luaku Lunkuiza Bela?
● Nzambi wuvangila batu mu kifuani kiandi. (Ngene. 1:26) Batu basi ko buka bibulu bikhambulu nduenga, vayi batu badi buka Yave. Mawu mansundula ti bawu balenda monisa zikhadulu buka luzolo ayi busonga. Ayi dedi Nzambi, befu mvitu tuidi luaku lu kusola.
● Mambu tunsola mawu mala monisa buidi luzingu luitu lunkuiza bela. Kibibila ki tukindisa tusola kuzinga mu kukuwa mbembu yi Nzambi voti mu kusola kutumukina zithumu ziandi. (Deute. 30:19, 20) Mambu amomo khanu masinkuiza ba ko tsundu boti Nzambi kasa tuvana ko luaku lu kusola. Nandi katukuikanga ko tuvanga mambu nandi kantomba. Vayi Nzambi wu tudinda: ‘Khanu buboti beni ngie kuzingila mu minsiku miama! Buna ndembam′aku yala ba buka muila ayi busonga buaku dedi mayo ma ḿbu.’—Yesa. 48:18.
Kibanga ki Nsungi, Ngonda Yinana, mvu 2022, tsielu 30 lutangu 16-17
‘Dikabu di Yave Dinzolanga Mambu Masonga’
16 Ngie wumana ba boma mu kuyindula boti wala nunga kutatamana kudiatila mu zithumu zisonga zi Yave? Boti ngete, buna yindula kifuani Yave kasadila kidi mu Yesaya 48:18. (Tanga) Mu kifuani beni Yave wukanikisa ti ndembam′aku yala ba banga “mayo ma ḿbu.” Yindulabu ti ngie bekala mu ndeku ḿbu ayi wummona mayo ma ḿbu mankuiza mu khambu suka. Mvandi ngie zebi ti bivevi na bivevi di mimvu mima vioka ḿbu wuntatamananga kutula mayo. Bukiedika ti wunkuiza ba dibamu mu kuyindula ti ḿbu kasinkuiza bue tulanga ko mayo? Ndamba!
17 Bobuawu mvandi, busonga buaku buala ba banga mayo ma ḿbu! Buidi? Mu thangu wumbaka makani, theti buboti kuyindulanga mbi Yave kantomba ngie wuvanga ayi vanga mawu. Bosokua bubela makani maphasi wufueti baka, Tat′aku yi luzolo wala tatamana kuba va khonzo′aku muingi ku kuvana mangolo ayi lusadusu wuntomba muingi wununga kuzingila kadika kilumbu mu zithumu ziandi zisonga.—Yesa. 40:29-31.
Kiuka Kisuama
Estudo Perspicaz, vantuba “Tempo Aceitavel” lutangu 1-3
Tempo Aceitavel
Mu 2 Kolintu 6:2 mvuala Polo wutubila mbikudulu yidi mu Yesaya 49:8, vantuba: ‘Mu thangu yifuana minu yi kuyuwa ayi mu kilumbu kiphulusu minu yi kusadisa; ayi minu yi kusueka muingi yi kuvana buka luwawanu kuidi dikabu diama, muingi yibe tungisa ntoto muingi bawu babe vua kiuka kiawu ki ntoto.’ Yave wukamba mambu amomo kuidi Yesaya vayi nandi waba tomba kukamba mawu kuidi dikabu di Isaeli. (Yesa. 49:3) Mbikudulu ayoyo yisalimina theti bo basi Isaeli bavuka ku Babiloni ayi bo Yave kakamba basi Isaeli ‘basikanu’ bosi bawu bavutuka ku ntoto′awu ayi babue tungisa wawu.—Yesa. 49:9.
Bo Yave katuba ti wunkuiza mvana buka luwawanu kuidi dikabu diandi ayi ti kisadi beni ki Yave kinkuiza ba buka muinda mu nza yimvimba muingi Nzambi kabaka bo kuvukisila batu boso va ntoto, tulenda visa ti mbikudulu ayoyo yisalama mu Mesia voti “Yesu Klistu widi kisadi ki Nzambi.” (Dedikisa Yesa. 42:1-4, 6, 7; ayi Mat. 12:18-21) Mu kuzaba ti thangu Yifuana yiba thangu Yave kankuiza tambudila voti kankuiza sadisila kisadi kiandi, tulenda visa ti thangu Yesu kaba va ntoto bo nandi kaba sambilanga ayi kaba dindanga kuidi Nzambi muingi kamvukisa mu lufua, ‘Nzambi wunyuwa ayi wutambula lunungu luandi.’ (Ebe. 5:7-9; dedikisa ayi Yoa. 12:27, 28; 17:1-5; Luk. 22:41-44; 23:46.) Diawu tulenda tubila ti mawu maba buka kilumbu ki phulusu kuidi muana Nzambi, kibila nandi wutambula luaku lu kumonisa lukuikumunu luandi ayi mu kibila akiokio wuvana luaku kuidi batu boso ba kuntumukinanga kuvuka ayi kubaka luzingu lu mvu ka mvu.”—Ebe. 5:9.
Mvandi Phila Polo katubila mbikudulu beni yimmonisa ti yawu yidi mvandi tsundukulu kuidi Baklistu bubu, kibila Polo wuba kamba babika kukikinina mamboti malutidi ma Nzambi mu phamba ayi kuzimbisa makani mamboti beni (Yesa. 49:8) Nandi wutuba mvandi: “buabu yeka thangu yifuana, buabu kieka kilumbu ki phulusu.” (2 Ko. 6:1, 2) Baklistu beni bayiza ba Isaeli yi Nzambi mu kiphevi tona mu Pentekote mu mvu 33 T.K. (Nga. 6:16). Vayi vaba tombulu muingi bawu bamonisa ti badi bafuana muingi batambula mamboti malutidi ma Nzambi muingi bavuka.
6-12 NGONDA YINNA
KIUKA KIDI MU DIAMBU DI NZAMBI YESAYA 50–51
Yuwa Mutu Nzambi Kalonga
Kibanga ki Nsungi ki Kilumbu 15 ki Ngonda Kumi Yimueka, mvu 2012, tsielu 11 lutangu 4
Kukubika Minsamuni mi Kintinu
4 Yave wulonga muan′andi matedi kisalu ki kusamuna kio nandi kayisa vanga va ntoto. Fiongunina mbikudulu yi Yesaya yitedi nlongisi wulutidi muan′andi wutheti. (Tanga Yesaya 50:4, 5.) Yawu wimmonisa ti Yave waba kotulanga na muan′andi menimeni. Mawu ma tusadisa kuyindula buka wunlongisi wunkotula nlonguki′andi menimeni muingi kunlonga. Buku yimueka yintuba, mawu madi buka ti Yave wabe kotulanga na muan′andi menimeni muingi kunlonga mbi kafueti tuba ayi buidi buku samunina. Mu kikola akiokio ki kiphevi, Yave wulonga muan′andi mbi kafueti tuba ayi buidi bukutubila. Tata mvandi wuvana muan′andi zithuadusulu zitedi buidi buku samunina. Bo kaba va ntoto, Yesu wusadila buboti khubumunu katambula mu kuvanga buboti kisalu kiandi ki kusamuna ayi mu ku kubika minlandikini miandi bavanga buboti kio kiawu kisalu. (Yoa. 12:49).
cf tsielu 133 lutangu 13
“Minu Yinzolanga Tata”
13 Muana wulonguka buboti kuidi tat’andi ava kayiza va ntoto. Mbikudulu yidi mu Yesaya 50:4-6 yimmonisa ti Yave wusudikisa buboti zithuadusulu kuidi muan’andi matedi kiyeku kiandi ki kuba Mesia. Kheti nandi wuzaba ti mu kuba mutu Yave kasola, nandi wunkuiza viokila mu mambu maphasi vayi nandi wukikinina kulonguka. Kuntuala bo Yesu kaba va ntoto ayi kaba dibakala diyonzuka nandi waba monanga beni nyeze kukuenda ku nzo yi tat′andi ayi kuvanga mbuongimini yikiedika ayi kulonguka matedi Yave ku Tempelu. Kibibila kintuba ti Yesu waba kuendanga kadika thangu ku Tempelu ayi ku nzo yi lukutukunu. (Luk. 4:16; 19:47) Boti befu tuntomba luzolo luitu mu Yave lutatamana kubuelama, tufueti landakananga zikhutukunu zioso kibila kuawu tu mbuongiminanga Yave ayi tumbuelanga phisulu′itu mu nandi ayi tuidi luaku lu kumvutudila matondo.
Kiuka Kisuama
Estudo Perspicaz vantuba “Pedreira” lutangu 2
Pedreira
Muingi kulonga diambu dimueka dinkinza, Yave wusadila kifuani ki ntungi ayi mambu kavanganga (Yesa. 51:1) Dedi bo tulenda visila mu matangu manlanda dimanya “ḿba dinsundula Abalahami, kibila mu nandi muyizila dikabu dioso di Isaeli ayi dibulu dinsundula Sala, kibila mu kivumu kiandi muawu mu yizila Isaki mutu wutembikisa dikabu di Isaeli. (Yesa. 51:2) Vayi, bo buidi ti mbutukulu yi Isaki yimonikina mu nzila phevi yi Yave ayi mu mangitukulu, diawu tulenda tubila ti kifuani ki ntungi, kidi mvandi tsundukulu yinkaka yilutidi yi kiphevi. Diawu Deutelonomi 32:18 yintedila Yave “dimanya mu yizila basi Isaeli ayi mutu wutuadisa mianga mi kubuta.”
13-19 NGONDA YINNA
KIUKA KIDI MU DIAMBU DI NZAMBI YESAYA 52–53
Yesu Wumonisa Luzolo Luwombo!
Kibanga ki Nsungi ki 15 Ngonda Kumi Yimueka, mvu 2010, tsielu 7 Lugantu 2
Matoko—Kindamanu bo Bamuvukumuna Kuidi Matoko Mankaka
2 Bukiedika ti ngie wumvukumukanga beni mu mambu batu bankotanga yaku kikola bakukambanga? Boti ngete, kibila mbi? Ngie wuntomba muingi bawu ba kuzola? Disi ko diambu dimbi kutomba batu bankaka ba tuzola. Batu bayonzuka mvandi bamvanganga mangolo muingi baba zola kuidi batu bankaka. Vasi ko ni mutu kuba kuandi ditoko voti nkulutu wulenda mona nyenze bakunlenda kuidi bankaka. Vayi tufueti kikinina ti ngie kukindama mu mambu mamboti, bankaka bala kulenda mu mawu. Yesu mvandi kasa nunga ko kukuangidika batu boso. Vayi nandi waba vanganga to mambu masulama. Bankaka bakikinina malongi mandi ayi bayiza ba minlandikini miandi, vayi bankaka banlenda ayi basa mvua ko nkinza.—Yesa. 53:3.
Kibanga ki Nsungi ki Ngonda Yimmuadi, mvu 2019, tsielu 11 Lutangu 15
Tomba Buphombu ayi Yangidika Yave
15 Mu zingonda zitsuka kazinga va ntoto, Yesu wuba kuazuka beni. Nandi wuzaba ti bankuiza mvonda ayi kuviokila mu mambu mawombo maphasi. (Yoane 3:14, 15; Ngalatia 3:13) Mua zingonda ava lufua luandi, nandi wutuba ti wuba beni mu kiunda. (Luka 12:50) Ayi mua bilumbu biaba khambu ava nandi kafua, Yesu wutuba: ‘Minu yidi mu kiunda.’ Mambu katuba muingi kuzabikisa mabanza mandi mu nsambu kuidi Nzambi, mammonisa ti nandi wukikululanga ayi wuntumukinanga Yave. Nandi wutuba: ‘Tata, phukisa mu thangu ayiyi. Vayi mu kibila ki mambu mambelama kumonika ayi diawu yiyizila.’ (Yoane 12:27, 28) Bo thangu beni yifuana, Yesu wumonisa kibakala ayi wukivana kuidi zimbeni zi Nzambi, bayiza ntomvula beni. Kheti waba viokila mu ziphasi, Yesu wuvanga luzolo lu Nzambi. Bukiedika, tulenda tuba ti Yesu widi kifuani kimboti ki mutu wumonisa buphombu bo kaba kuazuka beni!—Tanga Yesaya 53:7, 10.
Kiuka Kisuama
Estudos Perspicaz vantuba, “Utensilios” lutangu ¶2
Utensilios
Kikuma keliʹ khumbu ziwombo baba kisadilanga muingi kutubila bisadulu baba sadilanga ku nzo yinlongo. Bisadulu beni biba zindonga, zipá, minsomo, biuma baba sadilanga muingi kunata mbazu muingi kue yizimisa, mabola ayi zimbungu. (Mba 25:29, 30, 39; 27:3, 19; 37:16, 23; 38:3; 1 Minti. 7:40-50; 2 Bi 4:11-22) Bo buidi ti baba sadilanga biuma abiobio mu kisalu kinlongo, diawu biuma abiobio bibela mvandi biuma binlongo. (1 Minti. 8:4) Bo buawu mvandi, basi Yuda babasika ku Babiloni mu mvu 537 A.T.K. baba luaku lu kunata biuma binlongo bio ntinu Nebukadenesali kabonga ku Yelusalemi. Vaba tombulu batu baba nata biawu baba badiodila mu kiphevi ayi mu zikhadulu ziawu. Baba kamba: ‘Tatukanu, tatukanu, basikanu ku Babiloni. Bikanu kusimba ni kiuma ki khambulu kivedila; botukanu va khat′andi, lufueti tatamana badiodila, benu munnata bisadulu bi Yave.’ (Yesa. 52:11) Vabasa tombulu ko to bawu baba badiodila mu nhitu, vayi mu ntima mvandi. Bo mvuala Polo kasonikina nkanda kuidi basi Kolintu, nandi wusadila nkanda Yesaya 52:11 muingi kumonisa ti Baklistu bafueti tatuka kioso kiuma kilenda babivisa mu kinsuni ayi mu kiphevi.—Yesa. 52:11; 2 Ko. 6:14-18; 7:1.
20-26 NGONDA YINNA
KIUKA KIDI MU DIAMBU DI NZAMBI YESAYA 54–55
Kikua Ngie Wulenda Futa?
Kibanga ki Nsungi ki Kumi Yintanu ki Ngonda 9, mvu 2009 tsielu 21 lutangu 3
O valor superior da educação divina
3 Mu kuba nkua mamboti, Yave widi wukubama muingi kulonga batu ba masumu. Matedi Baklistu basolu, mbikudulu yidi mu Yesaya 54:13 yintuba: “Bana baku boso bala ba batu Yave kala longa, ayi ndembama yi bana baku yala ba yiwombo”; Nsua widi mu mbikudulu ayoyo wulenda salama mu mamemi ma nkaka ma Klistu. (Yoa. 10:16) Tulenda visila mawu mu mbikudulu yimueka yidi mu kusalama mu bilumbu bitu. Mu nzila kimona meso Yesaya wumona batu ba mimvila mioso kukota mu mbuongimini yikiedika. Yesaya wutuba ti batu beni baba yikamba bawu na bawu, ‘ndokanu tumaka ku mongo wu Yave, nzo yi Nzambi yi Yakobi ayi nandi wala tulonga mu zinzila ziandi ayi befu tuala diatila mu ziawu’. (Yesa. 2:1-3) Luidi luaku lunneni kuba mu nkangu batu Yave kanlonganga.
Kibanga ki Nsungi ki Ngonda Kumi Yimueka, mvu 2018 tsielu 4 lutangu 6-7
“Sumba Kiedika ayi Bika ku Kisumbisa”
6 Tanga Yesaya 55:1-3. Mambu Yave katuba ma kutusadisa kuvisa mbi binsundula kusumba kiedika. Yave wundedikisa kiedika ki Kibibila na nlangu, miliki, ayi vinu. Dedi bo nlangu wukiozi wumbuedilanga mangolo mutu widi phuila yi nlangu, kiedika mvandi ki tubuelanga mangolo. Ayi dedi bo miliki minsadisanga muana kilezi kukonzuka ayi kubuela kindama, kiedika ki Kibibila kinsadisanga kikundi kitu na Yave kibuela kindama. Yave mvandi wundedikisa Diambu Diandi buka vinu. Kibila mbi? Kibibila kintuba ti vinu yinkuangidikanga batu. (Minku. 104:15) Diawu, bo Yave kantuba ‘tusumba vinu,’ nandi wutumonisa ti befu kulandakana zithuadusulu ziandi mu luzingu, tuala ba mayangi. (Minku. 19:8) Yave wundedikisa kiedika mu phila ayoyo muingi kutusadisa kuvisa ndandu mbi tulenda baka befu longuka ayi kusadisa kiawu. Buabu, ndoko tumona mbi tufueti vanga muingi kusumba kiedika.
MBI WUVANGA MUINGI KUSUMBA KIEDIKA?
7 Thangu. Thangu yintombulu muingi mutu kayuwa zitsangu zi Kintinu, kutanga Kibibila ayi bilongulu bi Kibibila, kulonguka Kibibila na Zimbangi zi Yave, kukubika zikhutukunu zitu ayi kukuenda mu zikhutukunu beni. Muingi kuvanga mambu moso amomo, tufueti sadila buboti thangu′itu. (Tanga Efeso 5:15, 16 ayi tala matangu madi va wanda mu nwt-TPO.) Thangu kua yintombulu muingi kulonguka malongi matheti ma Kibibila? Mawu disuasana madi mu kadika mutu. Vasi ko thalu basikika mu mambu tulenda longuka matedi nduenga, zinzila ayi biuma Yave kamvanganga. (Loma 11:33) Kibanga ki Nsungi kitheti, kidedikisa kiedika buka “kiteka kiluelu” ayi kituba: “Bika kukuangalala mu kubaka kiteka kimueka to ki kiedika. Boti kimueka to kiaba tombulu, khanu basa bue vanga ko binkaka. Khupika biawu, ayi buela bakula binkaka.” Diawu tufueti kuyikuvusa: ‘Mambu makua yimana longuka matedi Yave?’ Kheti mu thangu tuala zinga mu nza yimona, tuala tatamana kulonguka mambu mawombo matedi Yave. Diawu bubu, nkinza beni kusadila thangu tuidi muingi kulonguka mamoso tulenda nunga.
Beneficia-se da Escola do Ministério Teocrático tsielu 14 lutangu 3-5
Presta Atenção a Como Escuta
Vake biuma biwombo bilenda tunata kuvuvuka ayi kubika kuteka matu. Ḿba vake mayindu mawombo ma tutatisa. Befu tulenda vuvuka mu kibila ki biyoko bi batu bamvioka ku nganda bo tuidi mu khati nzo yi Kintinu. Tulenda vuvuka mvadi boti kibuangu tunkutikinina kisi ko kimboti ayi dilenda ba diambu diphasi matata bake bana baluelu kuteka matu. Mbi bilenda kutusadisa kuteka matu mu mambu tunlonguka?
Mesu mitu malenda tusadisa kuteka matu. Sadila mawu muingi wuteka matu mu kusikika thalu′aku kuidi khomba wuvanga dilongi; na kutubila lutangu lumueka lu Kibibila, zibula luawu mu Kibibila kiaku kheti ngie zebi mambu masonama muna. Bika fika balukanga muingi kumona kuidi biyoko binkuizila. Ngie kuvuvuka mu mambu wummona ngie wulenda zimbisa mambu mawombo mamboti banlonganga mu zikhutukunu.
Boti vake mayindu mawombo ma kutatisa, sambila kuidi Yave muingi ka kusadisa wuba wuvumbama ayi ka kuvana ndembama yintombulu muingi wuteka matu. (Minku. 94:19; Fil. 4:6, 7) Boti kuba, vangila mawu khumbu ziwombo (Mat. 7:7, 8) Zikhutukunu zitu, yidi phila Yave ka tudikilanga mu kiphevi. Ba lufiatu ti nandi wuntomba muingi ngie wubakila ndandu mu ziawu.—1 Yoane 5:14, 15.
Kiuka Kisuama
Kibanga ki Nsungi ki Ngonda Yitheti, mvu 2019, tsielu 6 lutangu 14-15
“Bika Kumona Dibamu, Kibila Minu Yidi Nzambi′aku”
14 Ditheti, bo tuidi minlandikini mi Klistu, tuzebi ti batu bala tulenda. (Matai 10:22) Yesu wubikula ti minlandikini miandi bala kuba thota beni mu bilumbu bitsuka. (Matai 24:9; Yoane 15:20) Dimuadi, mbikudulu yi Yesaya yi kutulubula ti zimbeni zitu balasa kutulenda ko to, vayi bala sadila binuanunu biawu muingi kututhota. Zimbeni zitu balenda tuvunina mambu malenda monikina ti madi makiedika voti balenda kututhota beni. (Matai 5:11) Yave wala bika zimbeni zitu kusadila binuanunu biawu muingi kutunuanisa. (Efeso 6:12; Nzaikusu 12:17) Vayi befu tulendi ba ko boma. Kibila mbi?
15 Tala diambu dintatu tufueti tebukanga moyo. Yave wutuba ti ‘Binuanunu’ bioso bala sadila muingi kutunuanisa ‘bialasa nunga ko.’ Dedi bo kibaka kitukiebilanga mu kivuka kingolo, Yave mvandi wutukiebanga mu ‘nganzi yi bankua mambi.’ (Tanga Yesaya 25:4, 5.) Zimbeni zitu balasa nunga ko kututuadisa ziphasi zilenda kadidila.—Yesaya 65:17.
27 NGONDA YINNA-3 NGONDA YINTANU
KIUKA KIDI MU DIAMBU DI NZAMBI YESAYA 56–57
Befu Tuidi Mayangi Kibila Yave Nandi Nzamb′itu
Profecia de Isaias-2 tsielu 269 lutangu 14-16
Yave Wunkindisanga Batu Basukama
14 Vayi mvibudulu wu Nzambi wusa mana ko. Matedi thangu ayoyo Yave wutuba: ‘Minu veka yalatubila matedi busonga buaku ayi bisalu biaku ayi bawu balasa kulenza ko. Bo ngie wala dinda lusalusu, biuma bioso bidi yaku bialasa kuvukisa ko, vayi vala monika phemu yala vevumuna biuma biaku bioso.’ (Yesa. 57:12, 13a) Yave wukanikisa ti wunkuiza monisa busonga bu luvunu lu Yuda. Wutuba mvandi ti bisalu bisinkuiza batuadisa ko ndandu. Biuma bio bawu bansuekanga dedi “bitumba” bisinkuiza bavukisa ko. Bo bankuiza monikina mambu maphasi zinzambi ziawu zio bawu bamfiatilanga zinkuiza vevumuka mu phemu.
15 Mambu Yave katuba, masalama mu mvu 607 A.T.K. Wawu mvu ntinu basi Babiloni Nebukadenezali katuludila Yelusalemi, wuvika Tempelu, ayi wunata bawombo mu dikabu ku buvika. ‘Mu phila ayoyo basi Yuda bazimbala ku ntot′awu.’ 2 Mintinu 25:1-21.
16 Bobuawu mvandi, bitumba bioso binganga bi luvunu bansadilanga bubu bialasa kuba sadisa ko mu kilumbu ki nganzi yi Yave. (Yesa. 2:19-22; 2 Te. 1:6-10) Bala tulula binganga bioso bi luvunu. ‘Kibulu ki nganzi kidi ndimba yibenga ayi kumi di ziphoka ziandi bala tulula Babiloni Yinneni, bala yibika pheni nkua, bala dia nsuny′andi ayi bala mvika ku mbazu.’ (Nzai. 17:3, 16, 17) Tunkuangalanga beni kuzaba ti befu tutumukina lutumu lu Yave luntuba: “Basikanu muawu dikabu diama, muingi lubika ba fotu mu masumu mandi, ayi lubika tambula zitsingulu ziandi”! (Nzai. 18:4, 5) Bukiedika, tuisintomba ko kuvutuka mu binganga bi luvunu ayi mu mambu bawu bamvanganga.
Kibanga ki Nsungi ki Ngonda Yinsambanu, mvu 2018, tsielu 7 lutangu 16
“Kintinu Kiami Kisi ko ki Nza Ayiyi”
16 Kibibila kintuba ti nza yidi buka ḿbu wunyikukanga kadika thangu ayi wukhambu nsika. (Yesaya 17:12; 57:20, 21; Nzaikusu 13:1) Mambu ma política mamvanganga batu kuvasuka ayi kuba beni makhema. Vayi befu tuidi batu ba ndembama ayi tuidi kithuadi. Bo Yave kammona phila batu badidi bavasuka mu nza ayiyi, nandi wunkuangalanga beni mu kumona phila bisadi biandi badidi kithuadi.—Tanga Sefania 3:17
Estudo Perspicaz vantuba “Paz” lutangu 3
Paz
Kubaka Ndembama. Yave widi Nzambi yi ndembama (1 Ko. 14:33; 2 Ko. 13:11; 1 Te. 5:23; Ebe. 13:20) ayi tho yi ndembama (Zit. 6:26; 1 Bi 22:9; Minku. 4:8; 29:11; 147:14; Yesa. 45:7; Lom. 15:33; 16:20), kibila yawu yidi mu mbutu wu phevi′andi yinlongo. (Nga. 5:22) Mu kibila akiokio tulenda bakila to ndembama yikiedika befu kuba mu ndembama na Nzambi. Kuvola disumu dingolo kulenda tulula kikundi tuidi na Nzambi ayi bankaka. Nsoniki wu minkunga wutuba: ‘Yisi ko ndembama mu mimvesi miama mu kibila ki masumu mama’. (Minku. 38:3) Batu bantombanga ndembama ayi bamvanganga mangolo muingi kubaka yawu, bafueti tina mambu mambi ayi kuvanganga mambu mamboti. (Minku. 34:14) Befu khambu ba busonga tulendi baka ko ndembama. (Minku. 72:3; 85:10; Yesa. 32:17) Kiawu kibila bankua mambi ka babakilanga ko ndembama. (Yesa. 48:22; 57:21; dedikisa ayi Yesa. 59:2-8.) Mvandi batu ba kivananga kuidi Nzambi banzolanga Diambu Diandi (Minku. 119:165), bantumukinanga zithumu ziandi, (Yesa. 48:18) bawu to balenda baka ndembama yi kiedika.
Kiuka Kisuama
Kibanga ki Nsungi ki Kumi Yintanu ki Ngonda Yitheti, mvu 2007 tsielu 10 lutangu 3
Mambu Mamfunu Madi mu Buku yi Yesaya—II
56:6—Banani zinzenza bantubila mu lutangu alolo ayi mu phila mbi bawu basimbidila luwawanu lu Yave? “Zinzenza bantubila mu lutangu alolo badi mamemi mankaka ma Yesu.” (Yoa. 10:16) Bo lutangu alolo lummonisa ti bawu bansimbidila luwawanu, mawu mansundula ti bawu bansimbidilanga minsiku midi mu luwawanu beni, bansalanga mu kithuadi na mambu moso matedi luwawanu beni, bandianga bio biawu bidia na Baklistu basolu ayi bambuelanga mioko kisalu ki kusamuna ayi ki kuvanga minlonguki.
Kibanga ki Nsungi Kitheti ki Ngonda Kumi Yimueka, mvu 2006 tsielu 27 lutangu 1
Tufueti Kinzikanga Zikhutukunu Zitu Zinlongo
Yave wunkutikisanga bisadi biandi, Baklistu basolu ayi batu ba kuba buelanga mioko muingi ba mbuongimina va mongo′andi wu nlongo. Nandi wubasadisanga baba mayangi mu nzo′andi yi kiphevi, kibuangu kinkotanga batu ba mimvila mioso.” (Yesa. 56:7; Mala. 11:17) Mambu amomo mammonisa ti mbuongimini yi Yave yidi yinlongo, yidiodila ayi yilutidi. Befu ku kinzikanga zikhutukunu zitu, mo tunlongukanga ayi tumbuongiminanga Yave, tunkuiza monisa ti tuidi mo mawu mayindu nandi kadi matedi biuma binlongo.