TINI KI 9

Paradizo yela kuiza thangu mbi ee?

Ziphasi zio tulembu moni va nza zimonisa ti Kipfumu ki Nzambi kieka nduka sala mambu. Luka 21:10, 11; 2 Timote 3:1-5

Bidimbu biobi bilembu monika mu bilumbi bi tsuka—batu badi nzolu mbongo, mimvita, maladi ma mbimbi, zi nzala, matingu kudi ba mbuta, kambu ku luzolo mu makanda

Bibila kisamuna mambu ma tulembu moni mu mbandu’etu. Kikamba ti batu bela ba bakundi ba zimbongo, bela ba matingu kudi mase, bakondolo kiadi, bela luta zolanga zikhini.

Ntoto wela nikuka ngolo, zimvita, nzala yela ba yiwombo ayi maladi ma phila muphila. Mambu beni tulembo mamoni.

Mbangi yi Yehova wumosi wulembu samuna nsamu wu mboti wu kimfumu ki Nzambi kudi mutu mosi

Yesu mpe wusamuna ti nsamu mboti wu Kipfumu wela samunu va nza yi mvimba.—Matayi 24:14.

Kimfumu ki Nzambi kiela manisa mambu mambi. 2 Piela 3:13

Batu ba mbimbi balembu ba vondi mu mvita wu Alamagedoni, Satana ayi bademo bandi bela baka tumbu

Fioti fisiedi, Yehova weka bunga batu bambi boso.

Satana ayi zimpheve zimbi bela bungu.

Yesu kedi va kundu kiandi ki kimfumu ku diyilu ayi batu ba makanda moso badi mu mayangi

Batu bo bamwilanga Nzambi bela zinga mu nza yi mpa yi busonga. Balendi mona diaka boma ko. Ndembama ayi nzola yela ba kuna. Batu babo bela ba batu batudila diana.