Nkandu wu lukutukunu Luzingu ayi kisalu—2025 | Juillet

28 JUILLET–3 AOÛT

ZINGANA 24

Nkunga 38 ayi lusambulu | Ziphova zithonono (Min. 1)

BIMA BIMFUNU BIDI MU PHOVA YI NZAMBI

1. Wukikindisa muingi wunuanisa mambu maphasi

(Min. 10)

Baka nzayilu ayi nduenga (Zin 24:5; it-2-F 563 ¶4)

Tatamananga sambila, tanganga Bibila, ayi kutakananga mu zikhutukunu mu thangu melebakana (Zin 24:10; w09-LI 15/12 18 ¶12-13)

Minu kikinda ayi zola Yehova bieta kutusadisa tununga mambu maphasi (Zin 24:16; w20.12-LI 15)

Khomba mosi wunketo babakula kimbevo kingolo wulembo samuna mu zikhini zioso ayi nkundi’andi mu kisalu ki tsamununu ki nzo ka nzo. Wulembo samuna mu tableti yandi va ntuala nzo yi nketo mosi.

2. Bima bimfunu bi kipheve

(Min. 10)

Zin 24:27—Dilongi mbi tubeki mu ngana yoyi? (w09-LI 15/10 12)

Mvutu’aku
Bima mbi bimfunu bi kipheve beki mu lutangulu lu Bibila lu sabala yayi mawu yangalala tubila?

Mvutu’aku

3. Lutangulu lu Bibila

(Min. 4) Zin 24:1-20 (th dilongi 11)

WUKIVANI MU KISALU KI TSAMUNUNU

4. Tona disolo

(Min. 2) TA KIMBANGI MU THANGU BEKI DILUAKU DIMBOTI. Disolo dizengini tuamina kutu wunsamunina. (lmd dilongi 2 puen 4)

5. Tona disolo

(Min. 3) NZO KA NZO. (lmd disolo 3 puen 4)

6. Tona disolo

(Min. 3) TA KIMBANGI VA BUANGU KIO KIDI BATU BAWOMBO. Kamba mutu beni phila ndongokolo’eto yi Bibila yeta salimina ayi wumvani Karti yi ndongokolo yi Bibila. (lmd dilongi 4 puen 3)

7. Diskur

(Min. 3) lmd apandise A puen 11—Ntu disolo: Nzambi weta solula yeto. (th dilongi 6)

LUZINGU LU BAKRISTU

Nkunga 99

8. Lusalasananga mu thangu yi ziphasi

(Min. 15) Disolo na kimvuka.

Mambu momo malenda totuka mu kinzimbukila madi: Vuku, vonza kioki kintotukanga kiawu veka, mvualangani wu bana ba buala mu diambu di nuanisa luyalu, mvita voti nzomono. Mu thangu mambu beni momo maphasi matotukidi, bakhomba zieto Bakristu bobo badengini mambu beni, beta salasana ayi beta kindasana. Vayi buba ti beto tuisi thumbu dengana ko mambu beni momo, tueta mona ziphasi ziozi bakhomba zieto Bakristu beta mona ayi tueta tula ngolo mu kubasadisa.—1Ko 12:25, 26.

Zifoto: Bakhomba ba baketo ayi ba babakala balembo sadisa khomb’awu wu Mukristu mu ziphila ziwombo. 1. Bakhomba ba babakala ayi ba baketo balembo bongisa nzo yi Kipfumu yoyi yi bua mu vonza kioki kieta totuka kiawu veka. 2. Bakhomba ba babakala ayi ba baketo balembo yambi mu zikhini zioso mama dimosi ayi muan’andi wunketo bobo batina kubuala bawu. 3. Khomba mosi wunketo wulembo tibula zimbongo mu kesi yi kimvuka. 4. Mu nzo yi Kipfumu yimosi, bakhomba ba babakala ayi ba baketo, balembo vani bima bimfunu wombo kuidi bakhomba bawu bobo batina mala mawu. 5. Batu bobo bakiveni mu luzolo luawu veka balembo kabula maza ma mintutu. 6. Khomba mosi wubakala wulembo sambila.

Tanga 1 Mintinu 13:6 ayi Zaki 5:16b. Ayi yuvula kimvuka:

Bila mbi minsambu mi bisadi bi Nzambi mu diambu di batu bankaka mikadila lulendo?

Mvutu’aku

Tanga Malako 12:42-44 ayi 2 Kolinto 8:1-4. Ayi yuvula kimvuka:

Buba ti tuisi ko maluaku voti tuisi ko zimbongo ziwombo mu diambu di vana makaba mu kisalu ki nza yimvimba mu diambu di sadisa bakhomba zieto bobo badi mu phuila, bila mbi ka tulendi memitina ko mu kubutudila?

Mvutu’aku

Monisa VIDEO Sadisa bakhomba mu thangu yi khandukulu. Ayi yuvula kimvuka:

Kukiyimina mbi ku luzolo bakhomba bakiyimina mu diambu di sadisa bakhomba ziawu Bakristu bobo beba zingilanga ku Phutu yi Esti koko kisalu kieto kibela mu khandukulu?

Mvutu’aku
Mu thangu yi khandukulu, bue bakhomba basadila nsiku wu kutakananga ayi wu kindasananga?—Eb 10:24, 25

Mvutu’aku

9. Ndongokolo yi Bibila mu kimvuka

(Min. 30) lfb dilongi 4-5