DILONGI 13
Na nioni nzibudi-nzila?
Canada
Nzo ka nzo
Ndongokolo yi Bibila
Ndongokolo yi ngeyo veka
“Nzibudi-nzila” widi mutu wu thete weta kueta kuma kumosi ayi weta zibula nzila mu diambu di bankaka banlandakana. Yesu wuba nzibudi-nzila bila Nzambi wuntinda va ntoto mu diambu kiza samuna nsamu wumvana luzingu ayi kuiza vana batu diluaku di vuka. (Matayi 20:28) Lumbu kiaki, minlongoki mi Yesu beta landakana kifuani kiandi bila bawu phe beta sala kuwombo mu kisalu ki ‘kitula batu minlongoki.’ (Matayi 28:19, 20) Bankaka beta baka diluaku di sala kisalu kio tueta tedila nzibudi-nzila.
Nzibudi-nzila widi nsamuni wu thangu zioso. Zimbangi zioso zi Yehova zidi minsamuni mi nsamu wumbote. Vayi, bankaka beta bongisa mambu ma luzingu luawu mu diambu baba minzibudi-nzila mi thangu zioso, bawu beta samuna 70 yi ziwola kadika ngondi mu kisalu ki samuna. Bawombo beta sobula kisalu kioki kinkondo kuba dia thangu yiwombo muingi basala kisalu beni. Bankaka beta sobulu muingi baba minzibudi-nzila minene mu bibuangu biobi minsamuni mi Kimfumu basi ko bawombo. Bawu beta samuna 130 yi ziwola voti viokila kadika ngondi mu kisalu ki samuna. Minzibudi-nzila beta yangalala ba mu luzingu lolo lukondolo mambu ma nenenene. Beta tula vuvu kudi Yehova ti kafueti kubavana bima biobi bidi mfunu mu luzingu luawu. (Matayi 6:31-33; 1 Timoteo 6:6-8) Batu bobo bakondolo diluaku di ba minzibudi-nzila mu thangu zioso balenda sobula baba minzibudi-nzila nsadisi ti diluaku dimonikini, ayi beta samuna 30 voti 50 yi ziwola mu ngondi.
Nzibudi-nzila weta samuna ku wombo bila tidi Nzambi ayi batu. Phila mosi ayi Yesu, beto tulembo moni phila yilembo lombolo batu bazaba Nzambi. (Malako 6:34) Vayi tuidi ayi nzayilu yilenda kubasadisa tona buabu, ayi kubavana vuvu mu bilumbu binkuiza. Nzimbudi-nzila weta zola batu ayi kuawu kueta kuntinda kasadila thangu andi, ngolo ziandi mu kubasadisa muingi bazaba nsamu wumbote. (Matayi 22:39; 1 Tesalonika 2:8) Diawu, minu kiandi kieta kuiza ba ngolo, weta kuiza fikama diaka kudi Nzambi ayi weta ba diaka kiese kiwombo.—Mavanga 20:35.
Na nioni nzibudi-nzila?
Mbi bieta tinda mutu kaba nzibudi-nzila mu thangu zioso?