Ndiwulu yi bidia Bipfumu va masika

1. Tata Yehova ku diyilu,

Builu bua buidi bunlongo!

Tuntebuka moyo mu luzolo luaku

Mo wutomba mavangana.

Bavonda memi di pasika,

Nge wuvukisa Iseli.

Bosi ko batengula menga ma Yesu

Lukanu luaku lusalama.

2. Dipha, vinyu, bitutebula

thalu wufuta mu beto.

Ayi wutuvangila

mamboti maku.

Mu vana muan’aku Yesu.

Wutumamana tii kutsuka;

Matondo mu nyengo wawu.

Mu luzolo luaku,

nge wutuvukisa;

Diawu tuntondilanga beni.

3. Tuidi va ntual’aku Nzambi’eto,

Mo tuluta kuzitisa.

Tuntonda mu Yesu muan’aku

wuvana,

Mo wukindisa ntim’eto.

Bidia bipfumu va masika,

Mbonosono yi luzolo.

Tufueti landanga kifuani ki Yesu,

Muingi tuzinganga mvu ka mvu.