20-26 OCTOBRE
MPOVI 9-10
Nkunga 30 ayi lusambulu | Ziphova zithonono (Min. 1)
1. Tatamana ba mbueno yimboti mu zinzomono ziozi wun’dengana
(Min. 10)
Tuzebi ti zinzomono zisi ko dimbu kioki kieta monisa ti Yehova katuyangalalanga ko (Mpo 9:11; w13-LI 15/8 14 ¶20-21)
Tubika tombanga ti luzingu luba lumboti mu nza yayi yilembo tuadusu kuidi Satana (Mpo 10:7; w19.09-LI 5 ¶10)
Tufueti bakanga thangu yi yangalalanga mu makaba momo Yehova katuvana buba mu thangu yoyi tulembo denginina ziphasi (Mpo 9:7, 10; w11-LI 15/10 8 ¶1-2)
2. Bima bimfunu bi kipheve
(Min. 10)
Mpo 10:12-14—Zindubu mbi verse yayi yituveni mu diambu ditedi tula kibuezi? (it-F “Bavardage, calomnie” ¶4, 8)
Bima mbi bimfunu bi kipheve beki mu lutangulu lu Bibila lu sabala yayi mawu yangalala tubila?
3. Lutangulu lu Bibila
(Min. 4) Mpo 10:1-20 (th dilongi 11)
4. Tona disolo
(Min. 3) TA KIMBANGI VA BUANGU KIO KIDI BATU BAWOMBO. Tona disolo ayi mutu nioni wulembo monika ti mu kiunda kadi. (lmd dilongi 3 puen 4)
5. Tona disolo
(Min. 4) TA KIMBANGI MU THANGU BEKI DILUAKU DIMBOTI. Tubila “Malongi makiedika ma Bibila mo tueta zola longa” kuidi mutu nioni wulembo kitatikisa mu mambu matedi zimbongo mu sadila phila yoyi basudikisidi mu apandisi A mu mua buku Zola batu. (lmd dilongi 4 puen 4)
6. Kitula batu minlonguki
Nkunga 47
7. Ba wusikama mu thangu dengini mambu maphasi
(Min. 15) Disolo na kimvuka.
Kadika lumbu tueta dengana zinzomono ayi mambu maphasi. Vayi zinzomono zinkaka zieta thumbu kuizila mu kinzimbukila ayi zieta thumbu kutuvanga phasi mu tezo kioki zilenda kututatikisila mu mayindu, mu kinsuni ayi buba phe mu kipheve. Bue tulenda bela basikama mu thangu tudengini mambu maphasi?
Buba woso kuandi ntindu wu zinzomono tun’dengana, tufueti zaba ti ‘Yehova niandi nsikimisi wu thangu ka thangu.’ (Yes 33:6) Muingi tutudila Yehova ntima, tufueti ba bukhati khati ayi zaba vovo vasukidi maluaku meto. (Zin 11:2) Enati mambu maphasi tulembo dengana, tufueti bakanga thangu yiwombo mu diambu di tubaka zinzengolo zifuana, tufueti kukikeba bumboti voti kipa mutu nioni tueta zola ayi bakanga thangu yivundila. (Mpo 4:6)
Bo Yehova keta sadila bisadi biandi mu diambu di bisalasana, beto phe tufueti banga bakubama mu kikinina voti mu tombanga lusadusu kuidi batu bankaka. Kadi zimbakana ti bakhomba zieto ba Bakristu beta kuzola buwombo ayi beta yangalala kusadisa.
Tanga 2 Kolinto 4:7-9. Ayi yuvula kimvuka:
Bila mbi tufueti tudilanga ngolo mu kuendanga mu zikhutukunu, tanganga Bibila ayi samunanga buba ti yilenda ba phasi mu kubutudila?
Monisa VIDEO Yehova widi pfika pfika kuidi bobo badi mintima mikofakana. Ayi yuvula kimvuka:
Bue Yehova kasadisila khomba wubakala ayi wunketo Septer?
Bue bakhomba ziawu bankaka ba Bakristu ba basadisila?
Malongi mbi mankaka beki mu kifuani kiawu?
8. Ndongokolo yi Bibila mu kimvuka
(Min. 30) lfb dilongi 28, ziphova zithonono zi tini 6 ayi dilongi 29