DILONGI 09
Lusambulu lulenda yonzula kikundi kiaku ayi Nzambi
Diambu mbi dime teka kukuizila dio wisibozaba ko keni mbi tula? Lenda yangadala baka mimvutu mu biuvu binkaka? Phuila widi yi baka lukindusu? Lenda yangadala luta fikama kuidi Yehova? Lusambulu lulenda kusadisa. Vayi phila mbi yimboti yi sambidila? Nzambi weta wa zitsambudulu zioso? Ayi mbi wulenda tula muingi Nzambi kawa zitsambudulu ziaku? Mawu momo mambu tueka ntadila mu dilongi diadi.
1. Na tufueti sambilanga, ayi mu mambu mbi?
Yesu wulonga ti tufueti sambilanga kaka tat’eto widi ku diyilu, Yehova. Ayi buawu niandi veka katudila. Wutuba ti: “Tala phila lufueti sambidilanga: ‘Tat’eto widi ku diyilu . . .’” (Matayi 6:9) Thangu tunsambila Yehova, buawu tueta kindisila kikundi kieto ayi niandi.
Tulenda tula lusambulu mu dioso kuandi diambu. Bukiedika, muingi Nzambi kavutula mimvutu mu zindombolo zietu, zifueti ba nguizani ayi luzolo luandi. Nzambi “weta tuwa, mu thangu tukuntomba dioso kuandi diambu diodi didi nguizani ayi luzolo luandi.” (1 Yowani 5:14) Yesu wuvana bifuani bi mambu momo tulenda tomba bo tuntula lusambulu. (Tanga Matayi 6:9-13.) Tulenda tomba mu lusambulu mambu metu veka, vayi tubika kondungo vutidila Yehova matondo mu mambu mo keta tuvangila, ayi tutombanga phe kasadisanga batu bankaka.
2. Bue tulenda tudilanga lusambulu?
Bibila kilembu tukindisa ti ‘tuyalumunanga mintima mietu kuidi Nzambi.’ (Minkunga 62:8) Diawu zindombolo zietu zifueti ba zikiedika ayi zifueti ba mu ntima. Tulenda tula lusambulu vosokuandi ayi yosokuandi thangu, mu mbembu yivumuka voti kutsi ntima, ayi boso kuandi tuididi bobo bumonisa lukinzu.
3. Bue Nzambi keta vutudila mimvutu mu zindombolo zietu?
Weta tuvutudila mu ziphila ziwombo. Yehova wutuvana phov’andi Bibila, muawu tueta lutabakila mimvutu mu biuvu bietu. Tanga phova yi Nzambi yi lenda “kitula mutu phamba mutu wunduenga.” (Minkunga 19:7; tanga Zaki 1:5.) Kalenda kutuvana ndembama mu mayindu thangu tuidi mu ziphasi. Ayi kalenda sadila bisadi biandi batusadisa mu thangu tuidi phuila yi lusadusu.
TUVISA MBOTI MBOTI
Tutala mintindu mbi mizindombolo mieta yangidika Nzambi ayi bila mbi lusambulu lueta tusadisila.
4. Nzambi weta wa zindombolo zietu ti tulembu vangi luzolo luandi
Mambu mbi Nzambi kalembu tulombi muingi ka wa zindombolo zietu? Tala VIDEO.
Yehova katidi tunsambilanga. Tanga Minkunga 65:2 ayi vana mimvutu mu biuvu biabi:
Wum’banzila ti Nzambi tidi wa zindombolo ziaku? Bila mbi?
Muingi mo Nzambi ka wa zindombolo zietu, tufueti tula ngolo mu kinzika minsiku miandi mu luzingu luetu. Tanga Mika 3:4 ayi 1 Piela 3:12 ayi vana mvutu mu kiuvu kiaki:
Mbi tufueti tula muingi Nzambi ka wa zindombolo zietu?
Mu thangu mvita, ndambu ziaziwadi beta tula lusambulu mu diambulu banunga mvita. Vayi bufueni kuandi mu yindula ti Nzambi lenda kikina zindombolo ziawu?
5. Zindombolo zietu zifueti biminanga mu mintima mietu
Batu bankaka ba balonga ti bafueti lembu vutukilanga zindombolo ziozi zisonama. Vayi buawu Yehova katididi tunlombilanga? Tanga Matayi 6:7 ayi vana mvutu mu kiuvu kiaki:
Mbi tufueti tula mo ‘tubika lembu vutukilanga mambu mo mawu’ bo tuntula lusambulu?
Kadika lumbu, yindudilanga diambu dimboti diodi dengini, ayi kuidi vutudilanga matondo kuidi Yehova. Ti tutudidi buawu mu sabala yimvimba, wela tomba 7 kimambu mamona mu kondu lembu vutukilanga mambu momawu.
Tata dimboti weta zola muan’andi kankamba mambu madi mu tsiandi ntima. Yehova phe weta zola tunkamba madi mu mintima mietu
6. Lusambulu luidi dikaba dibedi kuidi Nzambi
Bue lusambulu lulenda kutuvanina zingolo bo tulembu dengana mambu mamboti voti mambimbi? Tala VIDEO.
Bibila kituveni tsila ti, mu nzila lusambulu tulenda bakila ndembama yikiedika kiedika yintima. Tanga Filipi 4:6, 7 ayi vana mimvutu mu biuvu biabi:
Lusambulu lumanisanga ko thangu zioso mambu mo makutu tatikisanga, vayi bue lusambulu lulenda kutusadisila?
Mambu mbi mawuzola tomba mu lusambulu luaku?
Wubedi buzabilanga?
“Ameni” yisundula “dibela buawu” voti “buawu buididi.” Bibila kimonisini ti tona thama, bisadi bi Nzambi beta tuba “ameni” kutsuka lusambulu.—1 Lusansu 16:36.
7. Kubikanga thangu yitudilanga lusambulu
Thangu zinkaka, tueta kuiza ba na mambu mawombo mo meta tula tuzimbakana tula lusambulu. Buangu mbi lusambulu luba mu luzingu lu Yesu? Tanga Matayi 14:23 ayi Malako 1:35 ayi vana mimvutu mu biuvu biabi:
Mbi Yesu kabetulanga mosi kabaka thangu yi tudilanga lusambulu?
Thangu mbi wulenda sobula yi tudilanga lusambulu?
BATU BANKAKA BETA TUBA TI: “Lusambulu, luisikuandi mfunu ko.”
Mbi lenda tuba kuidi mutu nioni wukembi bobo?
MU BUKHUFI
Zindombolo zikiedika zieta kindisa kikundi kietu ayi Nzambi. Zieta tuvana ndembama yintima ayi ngolo ziozi tuntomba mosi tuyangidika Yehova.
Phutukulu
Na tufueti sambilanga?
Bue tufueti sambidilanga?
Mamboti mbi lusambulu lueta tunatina?
TALA MAMBU MANKAKA
Mvutu mu biuvu biwombo biobi batu beta kukiyuvusa mu diambudi lusambulu.
“Makambo nsambo osengeli koyeba mpo na libondeli” (Linɔ́ngi ya Mosɛnzɛli ya 01/10/2010)
Bila mbi yididi mfunu wutulanga lusambulu ayi bue lenda ludikila zindombolo ziaku?
“Mpo na nini nasengeli kobondela?” (Lisolo oyo ezali na Internet)
Bibila kilembu tulongi na tufueti sambilanga.
“Nasengeli kobondela basantu?” (Lisolo oyo ezali na Internet)
Video yayi yimonisini ti tulenda kuetu tula lusambulu yoso kuandi thangu ayi voso kuandi tuidi.