Bumutu bu Yesu ayi bikadulu biandi

Mu thangu tuntanga mambu moso mo Yesu katuba, ayi kavanga va ntoto, bikadulu biandi bilembu tutumi tumfikama ayi tufikama kuidi Siandi. Mu bikadulu bio Yesu kadi, ndambu bikadulu mbi tueka nlonguka? Ayi bue tulenda kunsokudila?

1. Mu phila mbi Yesu kadidi banga Siandi?

Yesu wuba va kimosi ayi Siandi ku diyilu mimvu miwombo, ayi wulonguka mambu mawombo kuidi niandi. Yawu yiyiza tula ti katona yindula, mona mambu ayi vanga mambu banga niandi. (Tanga Yowani 5:19.) Bukiedika Yesu weta sokudila mu busonga bumutu bu Siandi diawu katubila ti: “Nioso wumbueni mueni Tata.” (Yowani 14:9) Bobuawu wukuiza luti longukila bumutu bu Yesu buawu wela zabila bumboti Yehova. Mu kifuani, Yesu weba kukitatikisanga mu diambu di ziphasi zi batu; yawu yikutumonisa phila yo Yehova keta tumuena.

2. Bue Yesu kamonisina ti weta zola Yehova?

Yesu wutuba ti: “Vayi mu diambu nza yizaba ti ndieta zola Tata, ndieta vanga boso buididi thumunu yi Tata.” (Yowani 14:31) Mu thangu kaba va ntoto, Yesu wumonisa luzolo lo kaba kuidi Siandi mu phila kabe kuntumukinanga, kadiambu ko thangu zinkaka yiba phasi. Luzolo lo phe kaba kuidi Siandi luawu lube tulanga ti kantubila ayi kasadisa batu, mosi baba bakundi ba Siandi.—Yowani 14:23.

3. Bue Yesu kamonisina ti weta zola batu?

Bibila kitubidi ti tona thama Yesu wube “landakananga mambu ma batu.” (Zingana 8:31, noti) Luzolo luandi luntuma kakindisa batu ayi ka basadisa mu kondo vingila mfutu. Mu bikumu biandi wumonisa ti lulendo kaba, vayi wube luta kitatikisanga mu bila ki ziphasi zi batu bankaka. (Malako 1:40-42) Yesu wube vangilanga batu mamboti ayi kasiba ko thalu zizi. Wube kindisanga batu bakuikama bo babe kunwanga ayi weba kubavananga vuvu. Mu diambu di luzolo kuidi batu wukikinina mona ziphasi ayi fua mu bila kiawu. Vayi weta luta monisina luzolo kuidi bobo beta tumukina mambu mo kalonga.—Tanga Yowani 15:13, 14.

TUVISA MBOTI MBOTI

4. Luzolo lu Yesu kuidi Siandi

Mu kifuani kiandi Yesu wutumonisini, bue tulenda monisina luzolo kuidi Nzambi. Tanga Luka 6:12 ayi Yowani 15:10 ayi 17:26. Ngeyo mana tanga ziverse beni ziozi, vana mvutu mu kiuvu kiaki:

• Mu mambu mbi tulenda monisina ti tueta zola Yehova?

6. Yesu weta kaba

Yesu kasi ba ko bima biwombo vayi wube kabanga, ayi wutukindisidi betu phe tukabanga. Tanga Mavanga 20:35 ayi vana mvutu mu kiuvu kiaki:

• Banga butubidi Yesu, mbi bikala tudi ti mutu kaba mu zikhini?

Tala VIDEO ayi vana mvutu mu kiuvu kiaki kilandikini.

VIDEO: “Esengo ya kopesa eleki oyo ya kozwa”—Video ya mokuse (4:00)

• Buba ti tuisi ko bima biwombo, bue tulenda monisina kadulu ki kaba?

Wubedi buzabilanga?

Bibila kintuba ti tufueti sambilanga Yehova mu dizina di Yesu. (Tanga Yowani 16:23, 24.) Sambidilanga mu phila beni yoyi yilembu monisa ti, tulembu kikinina ti mu nzila Yesu tulenda bela bakundi ba Yehova.

MU BUKHUFI

Yesu weta zola Yehova ayi batu. Bo kadi banga Siandi, bobuawu wunluta kun’zabila buawu wela luta zabila Yehova.

Phutukulu

• Bue tulenda monisina luzolo kuidi Yehova banga Yesu?

• Bue tulenda monisina luzolo lueto kuidi batu banga Yesu?

• Kadulu mbi ki Yesu kieta luta kuyangidika?

TALA MAMBU MANKAKA

Bikadulu bi Yesu bio tulenda sokudila.

“Mpo omekola Yesu . . .” (Yesu azali nzela, solo mpe bomoi, lokasa 317)

Bila mbi Yesu katutombila ti tulombilanga mu dizina diandi?

“Mpo na nini kobondelaka na nkombo ya Yesu?” (Linɔ́ngi ya Mosɛnzɛli ya 01/02/2008)

Bibila mbi kitubidi mu diambu di Yesu?

“Yesu azalaki ndenge nini?” (Lisolo oyo ezali na Internet)

Phila yo Yesu kabe vangilanga baketo mambu, dilongi mbi yituveni?

“Nzambe alingaka bápesa basi lokumu mpe limemya” (Linɔ́ngi ya Mosɛnzɛli ya 01/09/2012)