Batu bobo badi bakuikama kuidi Yehova beta dukisa zitsila ziawu

Tanga Minkongudidi 11:30-40 muingi wulonguka disolo di Yefeta ayi muan’andi wunketo mu diambu ditedi dukisa zitsila.

Tadila mambu mo madi mu disolo beni. Bue bana ba Iseli bakuikama beba tadilanga zitsila ziozi beba tulanga kuidi Yehova? (4 Mo. 30:2) Mu phila mbi Yefeta ayi muan’andi wunketo bamonisina ti minu badi kuidi Yehova?​—Mko. 11:9-11, 19-24, 36.

Kota mu buphinda. Mu tala ayi mu mona, diambu mbi Yefeta kaba mu mayindu mu thangu keba tula tsil’andi? (w16.04-LI 7 ¶12) Mambu mbi Yefeta ayi muan’andi wunketo bakiyimina muingi kadukisa tsil’andi? (w16.04-LI 7-8 ¶14-16) Ntindu mbi wu tsila Bakristu balenda tula lumbu kiaki?​—w17.04-LI 5-8 ¶10-19.

Bakula malongi mu disolo beni. Wukiyuvula:

• ‘Mbi bilenda kutsadisa ndidukisa tsil’ama yi kukivana?’ (w20.03-LI 13 ¶20)

• ‘Mambu mbi ndilenda kukiyimina muingi ndiluta sadila buwombo Yehova?’

• ‘Bue ndilenda tatiminina dukisila tsil’ama yi dikuela?’ (Mat. 19:5, 6; Efe. 5:28-33)