Tuba phila wuyuku tubila

Diambu mbi Filipi kavanga

VIDEO: Filipi wulembo longi muisi Etiopi nio wuba sadi ki mfumu

1. Tala VIDEO, voti tanga Mavanga 8:30, 31. Ayi tadileno biuvu biabi bilandikini:

1. Phila mbi Filipi katonina disolo?

2. Bila mbi yibela phila mosi yimboti yi tonina disolo ayi yinsadisila kalonga kiedika kimona kuidi mutu beni?

Dilongi mbi tubeki kuidi Filipi?

2. Enati tulembo solula ayi mutu mu phila yo tueta soludila ayi batu boso, diawu madi sadisa mutu nioni wulembo solula yeto kaba wunianguka ayi kasolula yeto mu kambu mona tsisi.

Sokudila Filipi

3. Ba mutu nio zebi tala. Phila zizi ki mutu kilembo monikina ayi nitu’andi, bilenda tusadisa tuzaba mambu mawombo mo mantadidi. Mu kuntala, wulembo moni khini solula yaku? Bakidi butonina disolo di Bibila mu kunyuvula kiuvu kiaki, “Wubedi zabanga diambu diadi . . . ?” Kadi kuika disolo kuidi mutu nio mengi kuandi solula yeto.

4. Ba mvibudulu. Kadi mona ti wufueti kaka tona disolo di Bibila khumbu mosi, bo lutonini disolo. Vingila diluaku dimosi dimboti muingi yiba kuandi banga disolo. Thangu zinkaka, yilenda tombana wuvingila tii luela bue dengana mu khumbu yinkuiza bosi wube kotisa masolo ma Bibila.

5. Ba mutu nio zebi yukana. Disolo dibeki bu balukila. Ba wukubama mu yolukila diambu dio dilenda yangidika mutu nio wulembo solula yaku, buba yintombana ti wubalula disolo dio kubikidingi ku nzo.