DILONGI 10

Balula mbembo

Zingana 8:4, 7

MU BUKHUFI: Totula mabanza mu buwangubuka ayi simba mintima mi batu mu phila wulembo kumisina voti kitisila mbembo, tuba mua ngolo voti mu tsi tsi, mua nsualu voti mua malembi.

PHILA YIKUBUTUDILA:

Kumisa voti kitisa mbembo. Kumisa mbembo muingi mambu ma mfunu mawakakana bumboti ayi yivana phuila kuidi batu bo balembo wa basadila mambu mo wulembo longi. Buawu phe tudila mu thangu wulembo tangi ziverse zio zilembo tubila tsembolo. Kitisa mbembo muingi wuvana batu phuila yi landakana mambu mo malandikini, voti mu diambu di monisa tsisi ayi tatakana.

Kadi kumisa mbembo phamba phamba, mu diambu di batu bedi banzila ti teminina wulembo bateminina. Enati wulembo tubi ngolo, batu baba tula thalu kuidi ngeyo va buangu ki landakana malongi.
Tuba mua ngolo voti mu tsi tsi. Enati bufueni mu mbembo’eno, tuba mua ngolo muingi wumonisa khini, voti mu diambu di wumonisa buneni voti kula ku mambu. Dekula mbembo muingi wumonisa kiadi voti ziphasi.
Tuba mua nsualu voti mua malembi. Tuba mua nsualu muingi wumonisa zikhini. Tuba mua malembi thangu wulembo tubi mambu ma mfunu.

Muingi batu bo balembo wa babika mona tsisi, kadi thumu balula mbembo’aku mu kinzimbukila. Kadi tuba nsualu nsualu, bila mambu mo wuntuba malendi wakakana ko bumboti.