DILONGI 11
Tuba mu mayangi
Loma 12:11
MU BUKHUFI: Tubila mu zikhini muingi wuvana batu phuila yi wa ayi yisadila mambu mo balembo wa.
PHILA YI KUBUTUDILA:
Tula mabanza maku moso mu disolo diaku. Thangu wulembo bongisa disolo diaku, baka thangu yi yindudila mfunu wu mambu mo wunlonga. Longuka mambu beni bumboti mboti muingi wumalongila mu ziphova zio zim’ba mu ntim’aku.
Yindula batu bo baku wa. Yindula phila yoyi mambu mo wunlonga ayi mo wuntanga makuiza sadisila batu bo bakulandakana. Tomba zaba phila yo wukuiza tubila mambu beni muingi mayangidika batu bo bakulandakana.
Kadi ba kiozi kiozi. Tubanga mu kibakala. Tulanga zijeste zio zifueni ayi zizi kiaku kimonisanga mabanza mo madi mu ntim’aku.